കൊൽക്കത്ത: ഇന്ത്യയുടെ മുൻ ഫുട്‌ബോൾ താരം അശോക് ചാറ്റർജി അന്തരിച്ചു. 78 വയസ്സായിരുന്നു. ഇന്ത്യയ്ക്കുവേണ്ടി 30 മത്സരങ്ങളിൽ ദേശീയ കുപ്പായമണിഞ്ഞു  10 ഗോൾ നേടി.

1965-ൽ ഇന്ത്യയ്ക്കുവേണ്ടി കളിച്ചുതുടങ്ങിയ ചാറ്റർജി, ആ വർഷവും പിറ്റേവർഷവും മെർദേക്ക കപ്പിൽ വെങ്കലം നേടിയ ഇന്ത്യൻ ടീം അംഗമായിരുന്നു. 1966-ൽ ഏഷ്യൻ ഗെയിംസിൽ കളിച്ച ഇന്ത്യൻ ടീമിലും അംഗമായിരുന്നു.

കൊൽക്കത്ത വമ്പന്മാരായ മോഹൻ ബ​ഗാനും ഈസ്റ്റ് ബംഗാളിനും വേണ്ടി കളിച്ചിട്ടുണ്ട്. ബ​ഗാനായി 85 ​ഗോൾ നേടി. ഈസ്റ്റ് ബം​ഗാളിനായി 39 ​ഗോളും കരസ്ഥമാക്കി.  ബംഗാളിനുവേണ്ടി സന്തോഷ് ട്രോഫിയിലും കളിച്ചിട്ടുണ്ട്.