രണ്ടാം ടെസ്റ്റ്; പൃഥ്വിയും മായങ്കും മടങ്ങി; ഇന്ത്യ രണ്ടിന് 85

ക്രൈസ്റ്റ്ചര്‍ച്ച്: ന്യൂസിലന്‍ഡിനെതിരായ രണ്ടാം ക്രിക്കറ്റ് ടെസ്റ്റില്‍ ഇന്ത്യക്ക് ഓപണര്‍മാരെ നഷ്ടമായി. ടോസ് നേടിയ ന്യൂസിലന്‍ഡ് ഇന്ത്യയെ ബാറ്റിങിന് അയക്കുകയായിരുന്നു. ഉച്ച ഭക്ഷണത്തിന് പിരിയുമ്പോള്‍ ഇന്ത്യ രണ്ട് വിക്കറ്റ് നഷ്ടത്തില്‍ 85 റണ്‍സെന്ന നിലയിലാണ്.

49 പന്തില്‍ 15 റണ്‍സുമായി ചേതേശ്വര്‍ പൂജാരയും 14 പന്തില്‍ മൂന്ന് റണ്‍സുമായി ക്യാപ്റ്റന്‍ വിരാട് കോഹ്‌ലിയുമാണ് ക്രീസില്‍. ഓപണര്‍മാരായ പൃഥ്വി ഷ (54), മായങ്ക് അഗര്‍വാള്‍ (ഏഴ്) എന്നിവരുടെ വിക്കറ്റുകളാണ് ഇന്ത്യക്ക് നഷ്ടമായത്.

64 പന്തില്‍ എട്ട് ഫോറും ഒരു സിക്‌സും സഹിതമാണ് പൃഥ്വി 54 റണ്‍സ് കണ്ടെത്തിയത്. പൃഥ്വിയെ ജാമിസണും മായങ്കിനെ ബോള്‍ട്ടുമാണ് പുറത്താക്കിയത്.