റെക്കോര്ഡുകള് ഭേദിച്ച് മുന്നേറിയ ഓഹരി വിപണി കഴിഞ്ഞ കുറച്ചുമാസങ്ങളായി നഷ്ടത്തിലാണെങ്കിലും ഭാവിയില് ശക്തമായി തിരിച്ചുവരുമെന്ന പ്രതീക്ഷയിലാണ് നിക്ഷേപകര്..ഇന്ത്യന് സമ്പദ് വ്യവസ്ഥ ശക്തമാണ് എന്നതടക്കമുള്ള ഘടകങ്ങളാണ് നിക്ഷേപകരുടെ പ്രതീക്ഷയ്ക്ക് പിന്നില്. വിപണിയില് ചാഞ്ചാട്ടം ദൃശ്യമാണെങ്കില് ഏറ്റവും നല്ല നിക്ഷേപ മാര്ഗമായി വിദഗ്ധര് നിര്ദേശിക്കുന്നത് എസ്ഐപിയാണ്..ഇക്വിറ്റി മ്യൂച്ചല് ഫണ്ടുകളില് പ്രതിമാസം 100 രൂപയുടെ എസ്ഐപി നിക്ഷേപം നടത്തിയാല് 10 വര്ഷത്തിനുള്ളില് 23,351 രൂപയാകും. 15 വര്ഷത്തിനുള്ളില് 50,630 രൂപയായും വളരും..ഫിനാന്ഷ്യല് പോര്ട്ടലുകളും മറ്റും ഉപയോഗിക്കുന്ന സ്റ്റാന്ഡേര്ഡ് എസ്ഐപി കണക്കുകൂട്ടല് ഫോര്മുലയെ അടിസ്ഥാനമാക്കിയുള്ളതാണ് ഈ കണക്കുകള്..പ്രതിമാസ 500 രൂപ വീതമാണ് നിക്ഷേപിക്കുന്നതെങ്കില് 10 വര്ഷം കൊണ്ട് ഇത് 1.16 ലക്ഷം രൂപയിലെത്തും. 15 വര്ഷത്തിനകം 2.53 ലക്ഷത്തിലധികം രൂപ സമാഹരിക്കാനാകും..പ്രതിമാസ നിക്ഷേപം 1,000 രൂപയാക്കിയാല് 10 വര്ഷ കൊണ്ട് 2.33 ലക്ഷം രൂപ സമ്പാദിക്കാനാകും. 15 വര്ഷത്തിനുള്ളില് നിക്ഷേപം 5.06 ലക്ഷം രൂപയായി ഉയരും..എസ്ഐപി നിക്ഷേപം ഗ്യാരണ്ടീഡ് റിട്ടേണ് സ്കീം അല്ല. നഷ്ടസാധ്യത ഉള്ള കാര്യവും നിക്ഷേപകര് ഓര്ക്കണമെന്നും വിപണി വിദഗ്ധര് പറഞ്ഞു. വിപണിയുടെ ഏറ്റക്കുറച്ചിലുകള് എസ്ഐപി നിക്ഷേപത്തെയും സ്വാധീനിക്കും..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
