രാവിലെ ഉണരുമ്പോൾ മുതൽ രാത്രി ഉറങ്ങുന്നതുവരെ മൊബൈൽ ഫോൺ ഉപയോഗിക്കുന്നവരാണ് പലരും..എന്നാൽ ആവശ്യത്തിലധികമുള്ള ഫോൺ ഉപയോഗം കുറച്ചുനേരത്തേക്കെങ്കിലും മാറ്റിവെച്ചാലോ? അതാണ് ഡിജിറ്റൽ ഡിറ്റോക്സ് എന്ന ആശയത്തിന്റെ പ്രസക്തി..മൊബൈൽ ഫോൺ, സോഷ്യൽ മീഡിയ, മറ്റ് ഡിജിറ്റൽ ഉപകരണങ്ങൾ എന്നിവയുടെ ഉപയോഗം കുറയ്ക്കുന്നതിനോ നിശ്ചിത സമയത്തേക്ക് ഒഴിവാക്കുന്നതിനോ ആണ് ഡിജിറ്റൽ ഡിറ്റോക്സ് എന്നു പറയുന്നത്..ഉറങ്ങുന്നതിന് തൊട്ടുമുമ്പ് ഫോൺ ഉപയോഗിക്കുന്നത് ഉറക്കസമയത്തെ വൈകിപ്പിക്കാം. രാത്രി സ്ക്രീൻ സമയം കുറയ്ക്കുകയും ഉറങ്ങുന്നതിന് മുമ്പ് ഫോൺ മാറ്റിവയ്ക്കുകയും ചെയ്യുന്നത് നല്ല ഉറക്കശീലങ്ങൾ വളർത്താൻ സഹായിക്കും..ഫോൺ ഉപയോഗം കുറയ്ക്കുന്നതിലൂടെ വായന, പാചകം, വ്യായാമം, എഴുത്ത്, ചെടിപരിപാലനം തുടങ്ങിയ കാര്യങ്ങൾക്കായി സമയം കണ്ടെത്താം. കുടുംബാംഗങ്ങളോടും സുഹൃത്തുക്കളോടും നേരിട്ട് സംസാരിക്കാനും കൂടുതൽ അവസരം ലഭിക്കും..രാവിലെ ഉണർന്ന ഉടൻ ഫോൺ പരിശോധിക്കുന്നത് ഒഴിവാക്കുക. ഭക്ഷണം കഴിക്കുമ്പോൾ ഫോൺ മാറ്റിവയ്ക്കുക..സോഷ്യൽ മീഡിയ ഉപയോഗിക്കാൻ നിശ്ചിത സമയം തീരുമാനിക്കുക. ഒഴിവുസമയത്ത് പുസ്തകം വായിക്കുകയോ നടക്കുകയോ ചെയ്യുക.
