വിവാഹദിനത്തിൽ സാരി തിരഞ്ഞെടുക്കുന്നത് പോലെ തന്നെ പ്രധാനമാണ് അത് എങ്ങനെ സ്റ്റൈൽ ചെയ്യുന്നു എന്നതും. പ്രത്യേകിച്ച് സീക്വിൻ, സോറി, എംബ്രോയ്ഡറി, സ്റ്റോൺ വർക്ക് തുടങ്ങിയവയുള്ള ബ്രൈഡൽ വർക്ക് സാരിയാണെങ്കിൽ ആഭരണങ്ങളും ബ്ലൗസും ഡ്രേപ്പിങ് രീതിയുമെല്ലാം ശ്രദ്ധിച്ചുവേണം തിരഞ്ഞെടുക്കാൻ..ബ്രൈഡൽ ലുക്കിൽ ആഭരണങ്ങൾക്ക് വലിയ പ്രാധാന്യമുണ്ട്. എന്നാൽ സാരി വളരെ ഹെവിയാണെങ്കിൽ അതിനൊപ്പം നിരവധി വലിയ ആഭരണങ്ങൾ ഒരുമിച്ച് ധരിക്കുന്നത് ലുക്ക് ഓവർഡോസ് ആക്കാം..ഹെവി സാരിയാണെങ്കിൽ ഒരു സ്റ്റേറ്റ്മെന്റ് നെക്ലേസും അതിനോട് ചേരുന്ന കമ്മലുകളും തിരഞ്ഞെടുക്കാം. ചോക്കർ, ടെംപിൾ ജ്വല്ലറി, ജുംക എന്നിവ പരമ്പരാഗത ബ്രൈഡൽ ലുക്കിന് അനുയോജ്യമാണ്..സാരി താരതമ്യേന ലളിതമാണെങ്കിൽ നീളമുള്ള ഹാരം കൂടി ചേർത്ത് ലുക്കിന് കൂടുതൽ വോള്യം നൽകാം. വളകളിലും ഇതേ ബാലൻസ് ശ്രദ്ധിക്കാം. ഗ്ലാസ് വളകൾക്കൊപ്പം ഗോൾഡ് വളകൾ ചേർക്കുന്നത് പരമ്പരാഗത ഭംഗി നൽകും..സാരിയുടെ ഭംഗി കൂട്ടുന്നതിൽ ബ്ലൗസ് ഡിസൈനിനും വലിയ പങ്കുണ്ട്. ഹെവി വർക്ക് സാരിയാണെങ്കിൽ ബ്ലൗസിൽ അമിതമായ എംബ്രോയ്ഡറി ഒഴിവാക്കി സിംപിൾ സിൽക്ക് ബ്ലൗസ് തിരഞ്ഞെടുക്കാം..ഹൈ നെക്ക്, എൽബോ ലെങ്ത് സ്ലീവ്, ബോട്ട് നെക്ക് തുടങ്ങിയ പരമ്പരാഗത ഡിസൈനുകൾക്ക് ബ്രൈഡൽ ലുക്കിനൊപ്പം ചേരും. കുറച്ച് മോഡേൺ ലുക്ക് വേണമെങ്കിൽ ബോട്ട് നെക്ക്, ഡീപ് ബാക്ക് തുടങ്ങിയ ഡിസൈനുകളും പരീക്ഷിക്കാം..എന്നാൽ ഡിസൈൻ എന്തായാലും ബ്ലൗസിന്റെ ഫിറ്റിങ് കൃത്യമായിരിക്കണം. വിവാഹച്ചടങ്ങുകൾ മണിക്കൂറുകളോളം നീളുന്നതിനാൽ അസൗകര്യമുണ്ടാക്കുന്ന തരത്തിലുള്ള ബ്ലൗസ് ഒഴിവാക്കുന്നതാണ് നല്ലത്..ഒരേ സാരി തന്നെ വ്യത്യസ്ത രീതിയിൽ ഡ്രേപ്പ് ചെയ്താൽ ലുക്ക് മാറും. പരമ്പരാഗത വിവാഹച്ചടങ്ങുകൾക്ക് ക്ലാസിക് സൗത്ത് ഇന്ത്യൻ ഡ്രേപ്പ് അനുയോജ്യമാണ്. കൂടുതൽ ഗ്രാൻഡ് ലുക്ക് വേണമെങ്കിൽ പല്ലു മുൻവശത്തേക്ക് കൊണ്ടുവരുന്ന സീധാ പല്ലു ശൈലി പരീക്ഷിക്കാം..ചുവപ്പ്, മറൂൺ, ഗോൾഡ് തുടങ്ങിയ പരമ്പരാഗത നിറങ്ങൾ ബ്രൈഡൽ ലുക്കിന് കൂടുതൽ ഗ്രാൻഡ് ഭാവം നൽകും. അതേസമയം പീച്ച്, പിങ്ക്, ഐവറി തുടങ്ങിയ സോഫ്റ്റ് ഷേഡുകൾക്ക് കൂടുതൽ മോഡേൺ ബ്രൈഡൽ ലുക്ക് നൽകാനാകും..സാരിയുടെ നിറത്തിനൊപ്പം ആഭരണങ്ങളുടെ ടോൺ കൂടി പരിഗണിക്കണം. വാം ടോണുകളുള്ള സാരികൾക്ക് ഗോൾഡ് ആഭരണങ്ങൾ സ്വാഭാവികമായി ചേരും.
