പുതിയതായി വാങ്ങിയ മൺചട്ടി നേരിട്ടു ഉപയോഗിക്കാൻ പാടില്ല..അതിനു മുൻപ് മൺചട്ടി മയക്കി എടുക്കണം..പുതിയ മൺചട്ടി നേരിട്ട് അടുപ്പിൽ വച്ച് പാചകം ചെയ്താൽ ചിലപ്പോൾ ചട്ടി പൊട്ടാൻ സാധ്യതയുണ്ട്..മൺചട്ടി മയക്കി എടുക്കാനുള്ള ചില എളുപ്പവഴി നോക്കാം..പുതിയ മൺചട്ടി വെള്ളത്തിൽ നന്നായി കഴുകി മണ്ണും പൊടിയും നീക്കം ചെയ്യുക..കഴുകിയ ചട്ടി മുഴുവനായി വെള്ളത്തിൽ 6–12 മണിക്കൂർ വരെ മുക്കി വയ്ക്കുക..വെള്ളത്തിൽ നിന്ന് എടുത്ത ശേഷം ചട്ടി നന്നായി വെയിലത്ത് വെച്ച് ഉണക്കുക..അകത്ത് അല്പം എള്ളെണ്ണ അല്ലെങ്കിൽ വെളിച്ചെണ്ണ പുരട്ടി 1–2 മണിക്കൂർ വീണ്ടും വയ്ക്കുക..ശേഷം തിളച്ച കഞ്ഞിവെള്ളം ഒഴിച്ച് വക്കുക. 2 ദിവസം കഴിയുമ്പോൾ അടപരുവത്തിൽ ഇരിക്കുന്ന കഞ്ഞിവെള്ളം ഇളക്കി കളഞ്ഞ ശേഷം വീണ്ടും തിളച്ച കഞ്ഞിവെള്ളം ഒഴിക്കുക..ഇങ്ങനെയൊക്കെ മൂന്ന് പ്രാവശ്യം ചെയ്തശേഷം നന്നായി കഴുകിയെടുത്തു ഉപയോഗിക്കാവുന്നതാണ്.ആദ്യമായി ചട്ടിയിൽ കഞ്ഞി അല്ലെങ്കിൽ കറി പോലുള്ള ലഘു വിഭവം ഉണ്ടാക്കുന്നത് നല്ലതാണ്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
