തൈരും യോഗർട്ടും ഒന്നാണോ? പലർക്കുമുള്ള സംശയമാണ്. കാഴ്ചയിൽ സാമ്യമുണ്ടെങ്കിലും രണ്ടും രണ്ടാണെന്നതാണ് സത്യം..കാച്ചിയ പാലില് ഉറയൊഴിച്ച് പ്രകൃതിദത്തമായി ഉണ്ടാക്കുന്നതാണ് തൈര്. പാലില് അടങ്ങിയ കെസിന് എന്ന പ്രോട്ടീനെ ബാക്ടീരിയ വിഘടിപ്പിച്ചാണ് തൈര് ഉണ്ടാകുന്നത്..യോഗർട്ട് ഇതുപോലെ എളുപ്പത്തിൽ തയ്യാറാക്കാൻ കഴിയില്ല. കൃത്രിമ ആസിഡുകൾ ഉപയോഗിച്ചാണ് യോഗർട്ട് ഉണ്ടാക്കുക. വാണിജ്യാടിസ്ഥാനത്തിലാണ് ഇവ പൊതുവെ നിർമ്മിക്കുക..യോഗര്ട്ട് നിയന്ത്രിത ഫെര്മെന്റേഷന് വിധേയമാകുന്നതാണ്. ലാക്ടോബാസിലസ് ബള്ഗേറിസസ്, ത്രെപ്റ്റോകോക്കസ് തെര്മോഫീലസ് എന്ന രണ്ട് തരം ബാക്ടീരിയകളെ ഉപയോഗിച്ചാണ് പാല് പുളിപ്പിക്കുന്നത്..തൈരിലും യോഗർട്ടിലും പ്രോബയോട്ടിക് ബാക്ടീരിയയാണ് അടങ്ങിയിരിക്കുന്നത്. എന്നാൽ അവയുടെ അളവിൽ അൽപം മുൻപന്തിയിൽ നിൽക്കുന്നത് യോഗർട്ടാണ്..കൂടാതെ പലതവണ അരിച്ചെടുത്ത് അവശേഷിക്കുന്ന ദ്രാവകം (വേ) നീക്കം ചെയ്ത ശേഷമാണ് യോഗര്ട്ട് ഉണ്ടാക്കുന്നത്. ഇങ്ങനെ ചെയ്യുമ്പോള് യോഗര്ട്ട് കൂടുതല് കട്ടിയുള്ളതും ക്രീമിയുമായി മാറുന്നു..അരിച്ചെടുക്കുമ്പോള് ലാക്ടോസ് നീക്കം ചെയ്യപ്പെടുന്നതിനാല് യോഗര്ട്ടില് പഞ്ചസാരയുടെ അളവ് കുറവാണ്. കൂടാതെ സാധാരണ തൈരില് ഉള്ളതിനേക്കാള് ഇരട്ടി പ്രോട്ടീന് യോഗര്ട്ടില് ഉണ്ടാകും.
