ഓണക്കോടിയെന്നാൽ കസവ് സാരിയും സ്വർണാഭരണങ്ങളും മാത്രമെന്ന പതിവ് മാറുന്നു. പാരമ്പര്യത്തിന്റെ ഭംഗി നിലനിർത്തിക്കൊണ്ട് ആധുനിക ഫാഷൻ ട്രെൻഡുകളെ കൂട്ടിച്ചേർത്തുള്ള ഓണം ലുക്കുകളാണ് ഇത്തവണ ശ്രദ്ധ നേടുന്നത്..ഓണപ്പുലരിയിയിൽ കസവ് സാരിയാണ് ഏറ്റവും അനുയോജ്യമായ തിരഞ്ഞെടുപ്പുകളിലൊന്ന്. ക്രീം നിറത്തിലുള്ള തുണിയിൽ വീതിയുള്ള ഗോൾഡൻ ബോർഡറുള്ള പരമ്പരാഗത കസവ് സാരിക്ക് ഇന്നും മാറ്റമില്ലാത്ത ഭംഗിയാണുള്ളത്..കോട്ടൺ, സിൽക്ക്, ടിഷ്യു കോട്ടൺ, ചന്ദേരി തുടങ്ങിയ ഭാരം കുറഞ്ഞ തുണിത്തരങ്ങൾ കൂടുതൽ സൗകര്യപ്രദമാണ്. കസവ് സാരിക്കൊപ്പം സ്വർണ നിറത്തിലുള്ള ബ്രോക്കേഡ് ബ്ലൗസ് ധരിക്കാം..എംബ്രോയ്ഡറി ചെയ്ത പല്ലുവുള്ള ടിഷ്യു സാരികൾ, സ്വർണ-വെള്ളി ബ്രോക്കേഡ് ഡിസൈനുകളുള്ള ബനാറസി സിൽക്കുകൾ എന്നിവ ഓണത്തിന് മികച്ച ഓപ്ഷനുകളാണ്. പൂക്കളത്തിന്റെ ഡിസൈനുകളിൽ നിന്ന് പ്രചോദനം ഉൾക്കൊണ്ട ബോർഡറുകളും പാറ്റേണുകളും ഇത്തരം സാരികൾക്ക് കൂടുതൽ ഭംഗി നൽകുന്നു..ഓണ ലുക്കിന് കൂടുതൽ പാരമ്പര്യഭംഗി നൽകാൻ ടെംപിൾ ജ്വല്ലറി മികച്ച തിരഞ്ഞെടുപ്പാണ്. മയിൽ, താമര, ദേവതകൾ തുടങ്ങിയ ദക്ഷിണേന്ത്യൻ ക്ഷേത്ര വാസ്തുവിദ്യയിൽ നിന്നുള്ള രൂപങ്ങൾ ഉൾക്കൊള്ളുന്ന ആഭരണങ്ങൾ സാരിയോടൊപ്പം ചേരും.ഓഫീസിലെ ഓണാഘോഷത്തിന് പൂർണമായും പരമ്പരാഗത വേഷം ധരിക്കണമെന്നില്ല. കണ്ടംപററി കുർത്ത സെറ്റുകൾ ഇതിന് മികച്ച ഓപ്ഷനാണ്..ഐവറി നിറത്തിലുള്ള ചന്ദേരി സിൽക്ക് കുർത്തയ്ക്കൊപ്പം സ്ട്രെയ്റ്റ് കട്ട് പാലാസോയും ലളിതമായ ദുപ്പട്ടയും പരീക്ഷിക്കാം. ഡസ്റ്റി പിങ്ക്, സേജ്, പേൾ ഗോൾഡ് തുടങ്ങിയ പാസ്റ്റൽ നിറങ്ങൾ ആഘോഷത്തിന്റെ ഭംഗി നൽകുന്നതിനൊപ്പം പ്രൊഫഷണൽ ലുക്കും നിലനിർത്തും..ഐവറിയും ഗോൾഡും തന്നെയാണ് ഓണത്തിന്റെ ക്ലാസിക് നിറങ്ങൾ. എമറാൾഡ് ഗ്രീൻ കേരളത്തിന്റെ പച്ചപ്പിനെ ഓർമിപ്പിക്കും. ഡീപ് മറൂൺ, റൂബി റെഡ് കൂടുതൽ രാജകീയ ലുക്ക് നൽകും. സോഫ്റ്റ് യെല്ലോ പൂക്കളത്തിന്റെ നിറങ്ങളും ഐവറി–ഗോൾഡ് കോംബോ ക്ലാസിക് കസവ് ഭംഗിയും നൽകും..എല്ലാവർക്കും ഹെവി ഓണം ലുക്ക് ഇഷ്ടപ്പെടണമെന്നില്ല. അത്തരക്കാർക്ക് ഒരു പ്രധാന ഘടകം മാത്രം ഹൈലൈറ്റ് ചെയ്യുന്ന മിനിമൽ സ്റ്റൈലിംഗ് പരീക്ഷിക്കാം. സിംപിൾ സാരിക്കൊപ്പം എംബ്രോയ്ഡറി ചെയ്ത ബോർഡർ, പ്ലെയിൻ കുർത്തയ്ക്കൊപ്പം ഹാൻഡ്-ബ്ലോക്ക് പ്രിന്റുള്ള ദുപ്പട്ട, അല്ലെങ്കിൽ ലളിതമായ വസ്ത്രത്തിനൊപ്പം ഒരു സ്റ്റേറ്റ്മെന്റ് ആഭരണം ഇത്തരം കോമ്പിനേഷനുകൾ മതിയാകും..മാമ്പഴമാല പോലുള്ള പരമ്പരാഗത സ്വർണാഭരണങ്ങൾ ഓണസാരിയോടു ചേരുന്ന തിരഞ്ഞെടുപ്പാണ്. കൂടുതൽ മിനിമൽ ലുക്ക് ആഗ്രഹിക്കുന്നവർക്ക് മുത്തുമാലകളും ഗോൾഡ് ചെയിനുകളും ചെറിയ ജുംകകളും ഉപയോഗിക്കാം..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
