റിട്ടയര്മെന്റിന് ശേഷമുള്ള ജീവിത കാലയളവില് സാമ്പത്തിക സുരക്ഷിതത്വം ഉറപ്പുവരുത്താന് എല്ഐസി അവതരിപ്പിച്ച പെന്ഷന് സ്കീമാണ് സരള് പെന്ഷന് സ്കീം.റിട്ടയര്മെന്റിന് ശേഷം സ്ഥിരവും വിശ്വസനീയവുമായ വരുമാനം നല്കാന് കഴിയുന്ന പ്ലാനാണിത്.ഒറ്റത്തവണ നിക്ഷേപം നടത്തി വിരമിക്കലിന് ശേഷം ഓരോ മാസവും ഒരു നിശ്ചിക തുക നേടാന് അനുവദിക്കുന്ന സ്കീമാണിത്.നിക്ഷേപത്തിന് അനുസരിച്ച് ഉയര്ന്ന പെന്ഷന് നേടാന് അവസരമുണ്ട്.40 മുതല് 80 വയസ് വരെയുള്ളവര്ക്ക് പ്ലാനില് ചേരാം.കുറഞ്ഞത് പ്രതിമാസം ആയിരം രൂപ ആന്വിറ്റി കിട്ടുന്ന പ്ലാനാണിത്. കൂടുതല് നിക്ഷേപിച്ചാല് മാസം 12000 രൂപയും ആന്വിറ്റിയായി വാങ്ങാന് സാധിക്കും.ജീവിതകാലം മുഴുവന് പെന്ഷന് ലഭിക്കണമെങ്കില് സിംഗിള് ലൈഫ് ആന്വിറ്റി ഓപ്ഷന് ആണ് തെരഞ്ഞെടുക്കേണ്ടത്. ജോയിന്റ് ലൈഫ് ആന്വിറ്റി ക്രമീകരണത്തിനു കീഴില്, പങ്കാളിക്കും ഉറപ്പായ പെന്ഷന് ലഭിക്കും. പങ്കാളി മരിച്ചാലും പെന്ഷന് ലഭിച്ചു കൊണ്ടിരിക്കും..ഉദാഹരണത്തിന് 60 വയസ് മുതല് 12000 രൂപ പെന്ഷന് ലഭിക്കുന്നതിന് ഏകദേശം 18-20 ലക്ഷം രൂപ നിക്ഷേപിക്കേണ്ടതുണ്ട്.
