പൊതുമേഖലാ സ്ഥാപനമായ ഭാരത് ഹെവി ഇലക്ട്രിക്കൽ ലിമിറ്റഡിൽ (BHEL) ആർട്ടിസാൻ തസ്തികയിൽ നിയമനം നടത്തുന്നു. ആകെ 660 ഒഴിവുകൾ ആണുള്ളത്. ഐടിഐ യോഗ്യതയുള്ളവർക്ക് അപേക്ഷിക്കാം. അപേക്ഷ സമർപ്പിക്കാനുള്ള തീയതിയും കൂടുതൽ വിവരങ്ങളും ഒക്ടോബർ 19ന് പുറത്തിറക്കുമെന്ന് അധികൃതർ അറിയിച്ചു.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ. ഇവിടെ ക്ലിക്ക് ചെയ്യുക https://chat.whatsapp.com/GQ0abkJF05lAfNnGmbVxsA

ഒഴിവുകൾ

• ഫിറ്റർ – 278

• വെൽഡർ – 104

• ടർണർ – 52

• മെഷിനിസ്റ്റ് – 101

• ഇലക്ട്രീഷ്യൻ – 90

• ഇലക്ട്രോണിക്സ് മെക്കാനിക് – 23

• ഫൗണ്ടറിമാൻ – 12

ജോലി ലഭിക്കുന്ന സ്ഥലങ്ങൾ

തമിഴ്നാട്ടിലെ റാണിപേട്ട്, ആന്ധ്രപ്രദേശിലെ വിശാഖപട്ടണം, കർണാടകയിലെ ബെംഗളൂരു, ഉത്തരാഖണ്ഡിലെ ഹരിദ്വാർ, തെലങ്കാനയിലെ ഹൈദരാബാദ്, മധ്യപ്രദേശിലെ ഭോപ്പാൽ, ഉത്തർപ്രദേശിലെ ഝാൻസി, തിരുച്ചിറപ്പള്ളി എന്നിവിടങ്ങളിലാണ് ഒഴിവുകൾ.

വിദ്യാഭ്യാസ യോഗ്യത

പത്താം ക്ലാസ് പാസായിരിക്കണം. ബന്ധപ്പെട്ട ട്രേഡിൽ നാഷണൽ ട്രേഡ് സർട്ടിഫിക്കറ്റ് (NTC/ITI), നാഷണൽ അപ്രന്റീസ്ഷിപ്പ് സർട്ടിഫിക്കറ്റ് (NAC) എന്നിവയും വേണം.

ആന്ധ്രപ്രദേശ്, തെലങ്കാന, തമിഴ്നാട്, കർണാടക യൂണിറ്റുകളിലേക്ക് അപേക്ഷിക്കുന്നവർക്ക് അതത് പ്രാദേശിക ഭാഷയിലുള്ള അറിവും മറ്റ് യൂണിറ്റുകളിലേക്ക് അപേക്ഷിക്കുന്നവർക്ക് ഹിന്ദി ഭാഷയിലുള്ള അറിവും അഭികാമ്യമാണ്.

പ്രായപരിധി

• ജനറൽ, EWS – 27 വയസ്

• ഒബിസി– 30 വയസ്

• എസ്‌സി, എസ്ടി – 32 വയസ്

ഭിന്നശേഷിക്കാർക്കും വിമുക്തഭടന്മാർക്കും സർക്കാർ ചട്ടപ്രകാരം പ്രായപരിധിയിൽ ഇളവുണ്ടാകും.

തിരഞ്ഞെടുപ്പ് രീതി

എല്ലാ ഒഴിവുകളിലേക്കുമുള്ള കംപ്യൂട്ടർ അധിഷ്ഠിത പരീക്ഷ (CBT) ഡിസംബറിൽ നടത്താനാണ് താൽക്കാലിക തീരുമാനം. എല്ലാ ഒഴിവുകൾക്കുമുള്ള പരീക്ഷ ഒരേ ദിവസമായിരിക്കും. തിരഞ്ഞെടുപ്പിന്റെ മറ്റു ഘട്ടങ്ങളും അപേക്ഷിക്കേണ്ട രീതിയും സംബന്ധിച്ച വിശദാംശങ്ങൾ പിന്നീട് പ്രസിദ്ധീകരിക്കും.