സാരി ഏത് പ്രായത്തിലും ഒരുപോലെ മനോഹരമായി ധരിക്കാവുന്ന വസ്ത്രമാണ്. എന്നാൽ പ്രായം കൂടുന്നതിനനുസരിച്ച് സാരിയുടെ ഫാബ്രിക്, ബ്ലൗസിന്റെ ഡിസൈൻ, ആഭരണങ്ങൾ, ഡ്രേപ്പിങ് രീതി തുടങ്ങിയ ചെറിയ കാര്യങ്ങളിൽ ശ്രദ്ധ നൽകിയാൽ ലുക്ക് കൂടുതൽ എലഗന്റാക്കാം. പ്രത്യേകിച്ച് 40 കഴിഞ്ഞാൽ സാരി ധരിക്കുമ്പോൾ പരീക്ഷിക്കാവുന്ന ചില ലളിതമായ സ്റ്റൈലിങ് മാറ്റങ്ങളുണ്ട്..സാരി എങ്ങനെ കിടക്കുന്നു എന്നത് ലുക്കിനെ വലിയ രീതിയിൽ സ്വാധീനിക്കും. വളരെ കട്ടിയുള്ളതോ ശരീരത്തിൽ അധികം വോള്യം നൽകുന്നതോ ആയ ഫാബ്രിക്കുകൾക്ക് പകരം ശരീരത്തിൽ ഭംഗിയായി വീഴുന്ന സോഫ്റ്റ് കോട്ടൺ, ക്രേപ്പ്, ജോർജറ്റ്, സോഫ്റ്റ് സിൽക്ക് തുടങ്ങിയവ തിരഞ്ഞെടുക്കാം. സാരി ധരിക്കുമ്പോൾ കംഫർട്ട് കൂടി പരിഗണിക്കുക.സാരിയുടെ ഭംഗി നിർണയിക്കുന്നതിൽ ബ്ലൗസിന്റെ ഫിറ്റിനും വലിയ പങ്കുണ്ട്. വളരെ ടൈറ്റായതോ വളരെ ലൂസായതോ ആയ ബ്ലൗസുകൾക്ക് പകരം ശരീരത്തിന് കൃത്യമായി ചേരുന്ന ഫിറ്റിങ് തിരഞ്ഞെടുക്കാം. കഴുത്തിന്റെ ഡിസൈൻ, സ്ലീവ് നീളം, നെക്ക്ലൈൻ എന്നിവയിൽ വ്യക്തിപരമായ കംഫർട്ടിനും പ്രാധാന്യം നൽകാം..സാരി ധരിക്കുന്ന രീതിയിൽ ചെറിയൊരു മാറ്റം പോലും മൊത്തത്തിലുള്ള ലുക്ക് മാറ്റും. പല്ലു വളരെ കട്ടിയായി പ്ലീറ്റ് ചെയ്യുന്നതിന് പകരം സ്വാഭാവികമായി വീഴുന്ന രീതിയിൽ ഡ്രേപ്പ് ചെയ്യാം. ആവശ്യമെങ്കിൽ സാരിയുടെ പല്ലു പിൻ ഉപയോഗിച്ച് ഉറപ്പിച്ച് വൃത്തിയായ ലുക്ക് നിലനിർത്താം..സാരിയോടൊപ്പം ആഭരണങ്ങൾ തിരഞ്ഞെടുക്കുമ്പോൾ എല്ലാം ഒരുമിച്ച് ധരിക്കുന്നതിന് പകരം ഒരു സ്റ്റേറ്റ്മെന്റ് പീസ് പരീക്ഷിക്കാം. വലിയ കമ്മലുകളാണെങ്കിൽ കഴുത്തിൽ വളരെ ഹെവി ആഭരണങ്ങൾ ഒഴിവാക്കാം..അതുപോലെ തന്നെ മാലയ്ക്കാണ് പ്രാധാന്യം നൽകുന്നതെങ്കിൽ ലളിതമായ കമ്മലുകൾ മതിയാകും. ഇതിലൂടെ ലുക്ക് കൂടുതൽ ബാലൻസ്ഡ് ആക്കാം..സാരിയുടെയും ബ്ലൗസിന്റെയും നിറങ്ങൾ ഒരേ ഷേഡിൽ തന്നെ വേണമെന്നില്ല. കോൺട്രാസ്റ്റ് നിറങ്ങൾ പരീക്ഷിക്കാം. എന്നാൽ സാരിയും ബ്ലൗസും ആഭരണങ്ങളും ഒരുപോലെ ശ്രദ്ധ പിടിച്ചുപറ്റുന്ന രീതിയിലാകാതെ ഒരു പ്രധാന ഘടകത്തിന് ഫോക്കസ് നൽകുന്നത് ലുക്ക് കൂടുതൽ എലഗന്റാക്കും..പ്രായത്തിനനുസരിച്ച് വസ്ത്രധാരണം മാറണം എന്നതിനേക്കാൾ, സ്വന്തം ശരീരത്തിന് ചേരുന്ന ഫിറ്റും ഇഷ്ടമുള്ള നിറങ്ങളും കംഫർട്ടും പരിഗണിച്ചുള്ള സ്റ്റൈലിങ്ങാണ് പ്രധാനപ്പെട്ടത്. ചെറിയ മാറ്റങ്ങളിലൂടെ തന്നെ പതിവ് സാരി ലുക്കിന് കൂടുതൽ പുതുമ നൽകാനും കഴിയും..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
