അവധിദിവസം വീട്ടിലിരുന്ന് നല്ലൊരു സിനിമ കാണാൻ ആഗ്രഹിക്കുന്നവർക്ക് മണിരത്നം സിനിമകൾ മികച്ചൊരു തിരഞ്ഞെടുപ്പാണ്. പ്രണയവും സൗഹൃദവും കുടുംബബന്ധങ്ങളും രാഷ്ട്രീയവും സംഘർഷങ്ങളുമെല്ലാം മനോഹരമായ ദൃശ്യഭാഷയിലും സംഗീതത്തിലും അവതരിപ്പിച്ച സംവിധായകനാണ് മണിരത്നം..പതിറ്റാണ്ടുകൾ കഴിഞ്ഞിട്ടും അദ്ദേഹത്തിന്റെ പല സിനിമകളും പ്രേക്ഷകരുടെ പ്രിയപ്പെട്ടവയായി തുടരുന്നു. അവധിദിവസത്തെ മൂഡിന് അനുസരിച്ച് തിരഞ്ഞെടുക്കാവുന്ന മണിരത്നത്തിന്റെ ചില സിനിമകൾ ഇതാ..നായകൻകമൽഹാസന്റെ കരിയറിലെ തന്നെ ഏറ്റവും ശ്രദ്ധേയമായ കഥാപാത്രങ്ങളിലൊന്നായ വേലു നായ്ക്കറിന്റെ കഥയാണ് നായകൻ. മുംബൈയിലെ അധോലോകത്തിന്റെ പശ്ചാത്തലത്തിൽ ഒരു സാധാരണ മനുഷ്യൻ എങ്ങനെ ശക്തനാകുന്നു എന്നതാണ് സിനിമ പറയുന്നത്. ഗൗരവമുള്ള സിനിമ കാണാൻ ആഗ്രഹിക്കുന്നവർക്ക് മികച്ചൊരു തിരഞ്ഞെടുപ്പ്..മൗനരാഗംപ്രണയവും വിവാഹവും വ്യക്തിസ്വാതന്ത്ര്യവും ബന്ധങ്ങളിലെ സങ്കീർണതകളും വളരെ സ്വാഭാവികമായി പറഞ്ഞ സിനിമ. രേവതിയും മോഹനും അവതരിപ്പിച്ച കഥാപാത്രങ്ങളുടെ വൈകാരിക ലോകമാണ് സിനിമയുടെ പ്രധാന ആകർഷണം. മണിരത്നത്തെ ശ്രദ്ധേയനായ സംവിധായകനാക്കി മാറ്റിയ ചിത്രങ്ങളിലൊന്നാണ് 1986ൽ പുറത്തിറങ്ങിയ മൗനരാഗം..റോജപ്രണയത്തിനൊപ്പം രാജ്യാന്തര രാഷ്ട്രീയവും ഭീകരവാദവും ചേർന്ന കഥ. അരവിന്ദ് സ്വാമിയും മധുബാലയും പ്രധാന കഥാപാത്രങ്ങളെ അവതരിപ്പിച്ച ചിത്രത്തിൽ എ ആർ റഹ്മാന്റെ സംഗീതവും വലിയ പ്രത്യേകതയാണ്. ചിന്ന ചിന്ന ആസൈ, കാതൽ റോജാവേ തുടങ്ങിയ ഗാനങ്ങൾ ഇന്നും ഓർമ്മയിൽ നിൽക്കുന്നു..ബോംബെമതവ്യത്യാസങ്ങൾ മറികടന്ന് പ്രണയത്തിലാകുന്ന ദമ്പതികളുടെ ജീവിതത്തിലേക്ക് സാമുദായിക സംഘർഷങ്ങൾ കടന്നുവരുന്നതാണ് ബോംബെ. അരവിന്ദ് സ്വാമിയും മനീഷ കൊയ്രാളയും പ്രധാന വേഷങ്ങളിൽ. പ്രണയകഥയ്ക്കൊപ്പം സമൂഹത്തെയും രാഷ്ട്രീയത്തെയും സംസാരിക്കുന്ന ചിത്രം എന്നതാണ് ഇതിന്റെ പ്രത്യേകത..ദിൽ സേഷാരൂഖ് ഖാനും മനീഷ കൊയ്രാളയും ഒന്നിച്ച ചിത്രം. പ്രണയത്തിന്റെയും രാഷ്ട്രീയ സംഘർഷങ്ങളുടെയും പശ്ചാത്തലത്തിൽ മുന്നേറുന്ന സിനിമയിൽ ചയ്യ ചയ്യ ഉൾപ്പെടെയുള്ള എ ആർ റഹ്മാൻ ഗാനങ്ങൾ ഇന്നും പോപ് കൾച്ചറിന്റെ ഭാഗമാണ്. വ്യത്യസ്തമായൊരു പ്രണയകഥ കാണാൻ ആഗ്രഹിക്കുന്നവർക്ക് ഇത് മികച്ച ഓപ്ഷനാണ്..ഇരുവർതമിഴ്നാടിന്റെ രാഷ്ട്രീയ ചരിത്രത്തിൽ നിന്ന് പ്രചോദനം ഉൾക്കൊണ്ട ചിത്രം. മോഹൻലാലും പ്രകാശ് രാജും അവതരിപ്പിക്കുന്ന കഥാപാത്രങ്ങളുടെ സൗഹൃദവും മത്സരവും രാഷ്ട്രീയ വളർച്ചയുമാണ് സിനിമയുടെ കാതൽ. സിനിമയും രാഷ്ട്രീയവും ഇഷ്ടപ്പെടുന്നവർ തീർച്ചയായും കണ്ടിരിക്കേണ്ട മണിരത്നം ചിത്രങ്ങളിലൊന്നാണ്..അലൈപായുതേഅവധിദിവസത്തിൽ ഒരു ലളിതമായ പ്രണയകഥ കാണാനാണ് താൽപര്യമെങ്കിൽ അലൈപായുതേ തിരഞ്ഞെടുക്കാം. മാധവനും ശാലിനിയും അവതരിപ്പിച്ച യുവദമ്പതികളുടെ പ്രണയവും വിവാഹജീവിതവുമാണ് സിനിമയുടെ കേന്ദ്രം. പ്രണയത്തിലുണ്ടാകുന്ന സന്തോഷങ്ങളും അഭിപ്രായവ്യത്യാസങ്ങളും വളരെ റിലേറ്റബിളായി അവതരിപ്പിച്ച ചിത്രമാണിത്..കന്നത്തിൽ മുത്തമിട്ടാൽകലഹങ്ങളുടെ പശ്ചാത്തലത്തിൽ ഒരു കുട്ടിയുടെ ജീവിതവും കുടുംബബന്ധങ്ങളും അവതരിപ്പിക്കുന്ന വൈകാരിക ചിത്രമാണ് കന്നത്തിൽ മുത്തമിട്ടാൽ. മാതാപിതാക്കളും കുട്ടികളും തമ്മിലുള്ള ബന്ധത്തെക്കുറിച്ച് ചിന്തിപ്പിക്കുന്ന സിനിമയാണിത്. വൈകാരികമായൊരു സിനിമ കാണാൻ ആഗ്രഹിക്കുന്നവർക്ക് മികച്ച തിരഞ്ഞെടുപ്പ്..ഓ കാതൽ കൺമണിനഗരജീവിതവും പ്രണയവും വിവാഹത്തെക്കുറിച്ചുള്ള മാറുന്ന കാഴ്ചപ്പാടുകളും സംസാരിക്കുന്ന ചിത്രം. ദുൽഖർ സൽമാനും നിത്യ മേനോനും പ്രധാന വേഷങ്ങളിൽ എത്തിയ സിനിമ മലയാളി പ്രേക്ഷകർക്കും പ്രത്യേകമായി പരിചിതമാണ്. ലളിതമായ പ്രണയകഥയ്ക്കൊപ്പം മനോഹരമായ സംഗീതവും ദൃശ്യങ്ങളും ആസ്വദിക്കണമെങ്കിൽ ഇത് തിരഞ്ഞെടുക്കാം..തലപതികർണന്റെ കഥയിൽ നിന്ന് പ്രചോദനം ഉൾക്കൊണ്ട് മണിരത്നം ഒരുക്കിയ ചിത്രമാണ് തലപതി. രജനികാന്തും മമ്മൂട്ടിയും പ്രധാന വേഷങ്ങളിലെത്തിയ സിനിമയിൽ സൂര്യയും ദേവയും തമ്മിലുള്ള സൗഹൃദമാണ് അവതരിപ്പിക്കുന്നത്. കുടുംബം, സൗഹൃദം, വിശ്വസ്തത, അധികാരം എന്നിവയെ ശക്തമായ വൈകാരികതയോടെ അവതരിപ്പിക്കുന്നു..അഞ്ജലികുട്ടികളുടെ ലോകത്തെയും കുടുംബബന്ധങ്ങളെയും വളരെ ഹൃദയസ്പർശിയായി അവതരിപ്പിക്കുന്ന ചിത്രമാണ് അഞ്ജലി. പ്രത്യേക പരിചരണം ആവശ്യമായ ഒരു കുട്ടിയുടെ ജീവിതവും അവളെ ചുറ്റിപ്പറ്റിയുള്ള കുടുംബത്തിന്റെയും സമൂഹത്തിന്റെയും പ്രതികരണങ്ങളുമാണ് സിനിമയുടെ പ്രമേയം.
