തിരക്കിനിടെ പലപ്പോഴും പ്രഭാതഭക്ഷണത്തിനാണ് ഏറ്റവും കുറവ് സമയം ലഭിക്കുന്നത്. എന്നാൽ കുട്ടികളുടെ ദിവസം ഊർജസ്വലമായി തുടങ്ങാൻ പ്രഭാതഭക്ഷണം ഒഴിവാക്കാതിരിക്കേണ്ടത് പ്രധാനമാണ്. പോഷകങ്ങളും രുചിയും ഒത്തുചേരുന്ന, അധികം സമയം വേണ്ടാത്ത ചില വിഭവങ്ങൾ വീട്ടിലെ തിരക്ക് കുറയ്ക്കാൻ സഹായിക്കും..രാത്രിയിലെ ഉറക്കത്തിനുശേഷം ശരീരത്തിന് ഊർജം നൽകുന്നതിൽ പ്രഭാതഭക്ഷണത്തിന് പ്രധാന പങ്കുണ്ട്. പ്രഭാതഭക്ഷണം കഴിക്കുന്നത് കുട്ടികളുടെ ഏകാഗ്രതയും ഉന്മേഷവും നിലനിർത്താൻ സഹായിക്കും. ആവശ്യമായ പ്രോട്ടീൻ, ഫൈബർ, കാൽസ്യം തുടങ്ങിയ പോഷകങ്ങൾ ലഭിക്കുന്നതിനും സഹായകരമാണ്.ഇഡ്ഡലി മാവ് ഉപയോഗിച്ച് തയ്യാറാക്കാവുന്ന എളുപ്പവിഭവമാണ് മിനി വെജിറ്റബിൾ ദോശ. മാവിലേക്ക് ചെറുതായി അരിഞ്ഞ കാരറ്റ്, സവാള, തക്കാളി, കാപ്സിക്കം എന്നിവ ചേർത്ത് ചെറിയ ദോശകളായി ചുട്ടെടുക്കാം. നിറമുള്ള പച്ചക്കറികൾ ചേർക്കുന്നതിനാൽ കുട്ടികൾക്കും ആകർഷകമായ പ്രഭാതഭക്ഷണമാകും..വീറ്റ് ബ്രെഡിൽ പീനട്ട് ബട്ടർ പുരട്ടി അതിന് മുകളിൽ പഴം കഷണങ്ങളായി അരിഞ്ഞിടുക. ആവശ്യമെങ്കിൽ സാൻഡ്വിച്ച് ചൂടാക്കി നൽകാം. പ്രോട്ടീനും ഫൈബറും ലഭിക്കുന്നതിനൊപ്പം തയ്യാറാക്കാനും വളരെ എളുപ്പമാണ്..വേവിച്ച ഉരുളക്കിഴങ്ങ് ഉടച്ച് ബ്രെഡ് ക്രംബ്സും ഇഷ്ടമുള്ള ഹെർബ്സും ചേർത്ത് ചെറിയ സ്മൈലി രൂപത്തിലാക്കി എയർ ഫ്രൈ ചെയ്യാം. എണ്ണയുടെ ഉപയോഗം കുറയ്ക്കാനും ഇതിലൂടെ സാധിക്കും..തൈര്, ഗ്രാനോള, കാലാനുസൃത പഴങ്ങൾ എന്നിവ ലെയറുകളായി ഗ്ലാസിലോ ജാറിലോ ചേർത്താൽ ഫ്രൂട്ട്-യോഗർട്ട് പാർഫെ തയ്യാറാക്കാം. മാമ്പഴം, വാഴപ്പഴം, ബെറികൾ തുടങ്ങിയ പഴങ്ങൾ ഉപയോഗിക്കാം. പാചകം ചെയ്യാൻ സമയം കുറവുള്ള ദിവസങ്ങളിൽ പരീക്ഷിക്കാവുന്ന ലളിതമായൊരു വിഭവമാണിത്..ബ്രെഡ്, കാപ്സിക്കം, തക്കാളി, സവാള, ചീസ് എന്നിവ ഉപയോഗിച്ച് ചീസ് ടോസ്റ്റ് തയ്യാറാക്കാം. പച്ചക്കറികൾ ചെറുതായി അരിഞ്ഞ് ബ്രെഡിന് മുകളിൽ വിതറി ചീസ് ചേർത്ത് ടോസ്റ്റ് ചെയ്താൽ മതി. കുട്ടികൾക്ക് ഇഷ്ടപ്പെടുന്ന ക്രിസ്പിയായ പ്രഭാതഭക്ഷണം തയ്യാറാകും..വാഴപ്പഴം, ഓട്സ്, പാൽ, മുട്ട, അൽപം കറുവപ്പട്ട എന്നിവ ചേർത്ത് മാവ് തയ്യാറാക്കാം. ചെറിയ പാൻകേക്കുകളായി ചുട്ടെടുത്താൽ കുട്ടികൾക്ക് കൈയിൽ പിടിച്ച് കഴിക്കാനും എളുപ്പമാണ്. വാഴപ്പഴത്തിന്റെ സ്വാഭാവിക മധുരം ഉള്ളതിനാൽ അധികം പഞ്ചസാര ചേർക്കേണ്ടതില്ല..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
