ആൻറി-ഓക്സിഡന്റുകളും നാരുകളും ഉൾപ്പെടെ നിരവധി പോഷകങ്ങൾ അടങ്ങിയ പപ്പായ പച്ചയ്ക്കും പഴുപ്പിച്ചുമൊക്കെ നമ്മൾ കഴിക്കാറുണ്ട്..പപ്പായയുടെ കുരു അധികമാരും ഉപയോഗിക്കാറില്ല. അവയുടെ രുചിയില്ലായ്മ തന്നെയാണ് കാരണം. പപ്പായ പോലെ തന്നെ കുരുവിനും ആരോഗ്യഗുണങ്ങളുണ്ട്..പപ്പായയുടെ കുരുവിൽ അടങ്ങിയ പപ്പെയ്ൻ എന്ന എൻസൈം ദഹനം മെച്ചപ്പെടുത്തും വർധിപ്പിക്കും. കഴിച്ച ഭക്ഷണത്തെ എളുപ്പം ദഹിപ്പിച്ച് വയറു ശുദ്ധിയാക്കാൻ ഇത് സഹായിക്കും..ഇവയുടെ ആന്റി-ബാക്ടീരിയൽ ഗുണങ്ങൾ വയറ്റിലെ വിരശല്യം ഇല്ലാതാക്കാൻ സഹായിക്കും..കാൻസറിന് കാരണമായേക്കാവുന്ന കോശങ്ങളുടെ വളർച്ചയെ പ്രതിരോധിക്കാനും പപ്പായയുടെ കുരു കഴിക്കുന്നത് നല്ലതാണ്. പപ്പായ കൃത്യമായി കഴിച്ചാൽ ഭാവിയിൽ അർബുദം പിടിപെടാൻ സാധ്യത കുറവാണെന്നാണ് ചില പഠനങ്ങൾ പറയുന്നുത്..വൃക്കയുടെ ആരോഗ്യത്തിനും പപ്പായക്കുരു ഉത്തമമാണ്. വൃക്കയുടെ ശുദ്ധീകരണപ്രവർത്തനങ്ങളെ ഇതു ത്വരിതപ്പെടുത്തുന്നു..എന്നാൽ കുട്ടികൾക്ക് പപ്പായയുടെ കുരു നൽകുന്നതിന് മുൻപ് ഡോക്ടറുടെ നിർദേശം തേടണം. കൂടാടെ ചിലർക്ക് ഇതിനോട് അലർജി ഉണ്ടാകാനും സാധ്യതയുണ്ട്. ഗർഭിണികൾ ഒരു കാരണവശാലും പപ്പായക്കുരു കഴിക്കരുത്.
