ദിവസവും വെറും വയറ്റിൽ ഇളം ചൂടുള്ള നാരങ്ങ വെള്ളം കുടിക്കുന്ന നിരവധി പേർ നമുക്കിടയിലുണ്ട്..നാരങ്ങ വിറ്റാമിൻ സിയുടെ മികച്ച ഉറവിടമാണ്. അത് കൊണ്ട് തന്നെ ധാരാളം ആരോഗ്യ ഗുണങ്ങളും നൽകുന്നു..ഇത് ദഹനം മെച്ചപ്പെടുത്തുന്നതിനും ശരീരത്തിന്റെ മെറ്റാബോളിസം മെച്ചപ്പെടുത്തുന്നതിനും ഊർജ്ജ നില വർധിപ്പിക്കുന്നതിനും സഹായിക്കും..എന്നാൽ വെറും വയറ്റിൽ നാരങ്ങ വെള്ളം കുടിക്കുന്നത് കൊണ്ട് ചില ദോഷവശങ്ങൾ കൂടിയുണ്ട്..വെറും വയറ്റിൽ ചെറുചൂടുള്ള നാരങ്ങാവെള്ളം കുടിക്കുന്പോള് നാരങ്ങയുടെ ഉയർന്ന അസിഡിറ്റി, നെഞ്ചെരിച്ചിൽ, ദഹനക്കേട് തുടങ്ങിയ ആസിഡ് റിഫ്ലക്സിന് ഇടയാക്കും. അസിഡിറ്റി പ്രശ്നമുള്ളവർ വെറുംവയറ്റിൽ നാരങ്ങ വെള്ളം കുടിക്കുന്നത് ഒഴിവാക്കുക..വെറും വയറ്റിൽ ചെറുചൂടുള്ള ചെറുനാരങ്ങാവെള്ളം കുടിക്കുമ്പോൾ പല്ലിൻ്റെ ഇനാമലിന് തേയ്മാനം സംഭവിക്കാം. നാരങ്ങാ വെള്ളത്തിന്റെ അസിഡിറ്റി പല്ലിന്റെ ഇനാമലിനെ നശിപ്പിക്കും..വെറും വയറ്റിൽ ചെറുചൂടുള്ള ചെറുനാരങ്ങാവെള്ളം കുടിക്കുന്നത് സെൻസിറ്റീവ് വയറുള്ള ചിലരിൽ വയറിന് അസ്വസ്ഥത ഉണ്ടാക്കും. ഇത് ഓക്കാനം, വയറുവേദന തുടങ്ങിയ ലക്ഷണങ്ങളിലേക്ക് നയിക്കുന്നു..നാരങ്ങ വെള്ളം ചില മരുന്നുകളുമായി ഇടപഴകുകയും പ്രതികൂല ഫലങ്ങൾ ഉണ്ടാക്കുകയും ചെയ്യും. ഉദാഹരണത്തിന്, നാരങ്ങ വെള്ളം ചില ആൻറിബയോട്ടിക്കുകളുടെയും തൈറോയ്ഡ് മരുന്നുകളുടെയും ആഗിരണത്തെ തടസ്സപ്പെടുത്തും.
