മഴക്കാലം ആരോഗ്യത്തിന് മാത്രമല്ല വീടുകൾക്കും വെല്ലുവിളികൾ ഉണ്ടാക്കുന്നുണ്ട്..മഴക്കാലത്തെ ചെറിയ അശ്രദ്ധ പോലും വീടിന്റെ സുരക്ഷയെയും വൃത്തിയെയും ബാധിച്ചേക്കാം..അതുകൊണ്ട് മഴക്കാലത്ത് വീടുകളിൽ ചില കാര്യങ്ങൾ പ്രത്യേകം ശ്രദ്ധിക്കേണ്ടതുണ്ട്..മഴക്കാലം തുടങ്ങുന്നതിനു മുൻപുതന്നെ വീടിന്റെ പുറംഭിത്തികൾ പെയിന്റ് അടിച്ച് സുരക്ഷിതമാക്കണം..കിളികൾ എത്തിക്കുന്ന കായ്കളുടെ വിത്തുകൾ മുളച്ച് ടെറസിലോ പുറം ഭിത്തികളിലോ തൈകളോ ചെടികളോ വളരുന്നത് തടയണം. ഇത്തരത്തിലുള്ള ചെടികൾ മഴക്കാലത്ത് കൂടുതൽ വലുതാകാം. ക്രമേണ ഭിത്തിയിൽ ചെടിയുടെ വേര് ഇറങ്ങി വിള്ളലുണ്ടാകാനും സാധ്യതയുണ്ട്..തടികൊണ്ടുള്ള വാതിലുകളും ജനാലകളും മഴക്കാലങ്ങളിൽ പൊന്തിവരാനുള്ള സാധ്യത കൂടുതലാണ്. ഈർപ്പത്തെ ആഗിരണം ചെയ്യുന്നതുകൊണ്ടാണ് ഇങ്ങനെ സംഭവിക്കുന്നത്. വാർണിഷ് അല്ലെങ്കിൽ ഫിനിഷിങ് ചെയ്യുന്നത് നല്ലതായിരിക്കും..മഴക്കാലത്ത് മാലിന്യങ്ങൾ അടിഞ്ഞുകൂടി ഡ്രെയിനുകളും പൈപ്പുകളും അടഞ്ഞുപോകാനുള്ള സാധ്യത വളരെ കൂടുതലാണ്. ആവശ്യമെങ്കിൽ അറ്റകുറ്റപണികൾ ചെയ്യാൻ മടിക്കരുത്..വീടിനു മുകളിലേക്കും വൈദ്യുതകമ്പികളിലേക്കും വളർന്നു നിൽക്കുന്ന മരക്കമ്പുകൾ മഴക്കാലം തുടങ്ങും മുൻപേ വെട്ടിമാറ്റണം. മരക്കൊമ്പ് മറിഞ്ഞു വീഴുന്നതു മാത്രമല്ല, ഇലകൾ വീണ് പാത്തികൾ അടയാനും ഇല വീണ് ടെറസിലും ഷേഡുകളിലും പായൽ പിടിക്കാനുമൊക്കെ സാധ്യതയുണ്ട്..ഇലക്ട്രിക് സ്വിച്ചുകളിലും വയറുകളിലും ഈർപ്പം ഇറങ്ങാതെ പ്രത്യേകം ശ്രദ്ധിക്കേണ്ടതുണ്ട്. കേടുവന്ന സ്വിച്ചുകളും ലൂസ് വയറുകളും മാറ്റാം. വാട്ടർപ്രൂഫ് ബോക്സുകൾ ഉപയോഗിച്ച് ഇവ സുരക്ഷിതമാക്കാം..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
