പുതിയൊരു പുസ്തകം വായിച്ചുതുടങ്ങുന്നു, വ്യായാമം ചെയ്യാൻ തീരുമാനിക്കുന്നു, ഒരു കോഴ്സിൽ ചേരുന്നു, പുതിയൊരു ഹോബി തുടങ്ങുന്നു. എന്നാൽ കുറച്ചുദിവസങ്ങൾക്കുള്ളിൽ പലതും പാതിവഴിയിൽ ഉപേക്ഷിക്കേണ്ടിവരുന്നു. ഒന്നും പൂർത്തിയാക്കാൻ കഴിയാത്തത് പലരുടെയും പ്രശ്നമാണ്..പുതിയൊരു കാര്യം തുടങ്ങുമ്പോൾ വലിയ ആവേശമുണ്ടാകാം. എന്നാൽ ദിവസങ്ങൾ കഴിയുമ്പോൾ ആ ആവേശം കുറയുന്നു. അപ്പോൾ സ്ഥിരമായി പരിശ്രമിക്കാനുള്ള ശീലം ഇല്ലെങ്കിൽ ലക്ഷ്യം പാതിവഴിയിൽ ഉപേക്ഷിക്കാം..തെറ്റുകളില്ലാതെ ചെയ്യണം, മികച്ച ഫലം ലഭിക്കണം എന്ന ചിന്ത ചിലപ്പോൾ തടസ്സമാകുന്നു. പ്രതീക്ഷിച്ച നിലവാരത്തിൽ കാര്യങ്ങൾ മുന്നോട്ടുപോകുന്നില്ലെങ്കിൽ നിരാശ തോന്നുകയും ശ്രമം ഉപേക്ഷിക്കുകയും ചെയ്യാം..പല ലക്ഷ്യങ്ങളും ഒരേസമയം പിന്തുടരുമ്പോൾ സമയം, ശ്രദ്ധ, ഊർജം എന്നിവ വിഭജിക്കപ്പെടുന്നു. ഇതോടെ ഒരു കാര്യത്തിലും സ്ഥിരമായി ശ്രദ്ധ കേന്ദ്രീകരിക്കാൻ കഴിയാതെ വരാം..ഒരു കാര്യം പൂർത്തിയാക്കിയാൽ അതിന്റെ ഫലം മറ്റുള്ളവർ വിലയിരുത്തുമെന്ന ഭയം ചിലർക്കുണ്ടാകാം. പരാജയപ്പെടുമെന്ന ആശങ്കയും വിമർശനത്തെക്കുറിച്ചുള്ള ചിന്തകളും പൂർത്തിയാക്കുന്നതിൽനിന്ന് പിന്നോട്ടുവലിച്ചേക്കാം..മൊബൈൽ ഫോൺ, സോഷ്യൽ മീഡിയ, നോട്ടിഫിക്കേഷനുകൾ എന്നിവ ശ്രദ്ധ എളുപ്പത്തിൽ മാറ്റുന്നു. ഇടയ്ക്കിടെ ശ്രദ്ധ നഷ്ടപ്പെടുന്നത് ഒരു ജോലി പൂർത്തിയാക്കാൻ കൂടുതൽ സമയമെടുക്കുന്നതിനും മടുപ്പ് തോന്നുന്നതിനും കാരണമാകാം..വലിയൊരു ലക്ഷ്യം ഒരുമിച്ച് നേടാൻ ശ്രമിക്കുമ്പോൾ അത് ബുദ്ധിമുട്ടായി തോന്നാം. ചെറിയ ഘട്ടങ്ങളായി തിരിക്കാതെ മുന്നോട്ടുപോകുന്നത് തുടർച്ച നിലനിർത്താൻ പ്രയാസമുണ്ടാക്കും..ഈ ശീലം മാറ്റാൻ എന്തുചെയ്യാം?ഒരേസമയം ഒന്നോ രണ്ടോ കാര്യങ്ങളിൽ മാത്രം ശ്രദ്ധ കേന്ദ്രീകരിക്കുക. വലിയ ജോലികളെ ചെറിയ ഘട്ടങ്ങളായി തിരിക്കുക. ദിവസവും കുറച്ചുസമയമെങ്കിലും അതിനായി മാറ്റിവയ്ക്കുക. പൂർണതയ്ക്കുപകരം പുരോഗതിക്ക് പ്രാധാന്യം നൽകുക.
