അഹാന കൃഷ്ണയുടെയും ഛായാഗ്രാഹകൻ നിമിഷ് രവിയുടെയും വിവാഹമാണ് ഇപ്പോൾ സോഷ്യൽ മീഡിയയിലെ പ്രധാന ചർച്ചകളിലൊന്ന്. സെപ്റ്റംബർ 13ന് കോവളത്തെ താജ് റിസോർട്ടിൽ അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരുന്നു ഇരുവരുടെയും വിവാഹം..സെപ്റ്റംബർ 15നാണ് അഹാന വിവാഹചിത്രങ്ങൾ സമൂഹമാധ്യമങ്ങളിലൂടെ പങ്കുവച്ചത്. ഇതോടെ വിവാഹവിശേഷങ്ങൾ വീണ്ടും ട്രെൻഡിങ്ങായി..അഹാനയും നിമിഷും തമ്മിലുള്ള അടുപ്പത്തെക്കുറിച്ച് നേരത്തെ തന്നെ സോഷ്യൽ മീഡിയയിൽ ചർച്ചകളുണ്ടായിരുന്നു. ഇരുവരും തമ്മിലുള്ള ബന്ധം പരസ്യമായി സ്ഥിരീകരിക്കാതിരുന്നതിനാൽ വിവാഹവുമായി ബന്ധപ്പെട്ട ഓരോ സൂചനയും ആരാധകരുടെ ശ്രദ്ധ നേടിയിരുന്നു..വിവാഹചിത്രങ്ങൾ പങ്കുവച്ചുകൊണ്ട് അഹാന കുറിച്ച ‘Met you at 20, Married you at 30!’ എന്ന വാക്കുകളും ശ്രദ്ധ നേടി..അഹാന അഭിനയരംഗത്തേക്ക് എത്തിയത് രാജീവ് രവിയുടെ ഞാൻ സ്റ്റീവ് ലോപസ് എന്ന ചിത്രത്തിലൂടെ ആയിരുന്നു. ഇതേ ചിത്രത്തിന്റെ ക്യാമറ വിഭാഗത്തിൽ അസിസ്റ്റന്റ് ക്യാമറാമാനായി നിമിഷും പ്രവർത്തിച്ചിരുന്നു. അഹാനയുടെ കരിയറിലെ ശ്രദ്ധേയമായ ചിത്രം ‘ലൂക്ക’യുടെ ഛായാഗ്രഹണം നിർവഹിച്ചതും നിമിഷ് രവിയായിരുന്നു..അടുത്ത സുഹൃത്തുക്കളും സിനിമാ മേഖലയിലെ പ്രമുഖരും വിവാഹത്തിൽ പങ്കെടുത്തു. നടൻ ദുൽഖർ സൽമാൻ, ഋഷഭ് ഷെട്ടി ഉൾപ്പെടെയുള്ള താരങ്ങൾ ചടങ്ങിനെത്തിയിരുന്നു. പിന്നീട് ‘ലോക’ സിനിമയുടെ ടീമിലെ അംഗങ്ങളും വിവാഹാഘോഷങ്ങളിൽ ഒന്നിച്ചെത്തിയതോടെ ചിത്രങ്ങളും വീഡിയോകളും സോഷ്യൽ മീഡിയയിൽ കൂടുതൽ ശ്രദ്ധ നേടി..അടുത്ത ബന്ധുക്കളെയും സുഹൃത്തുക്കളെയും മാത്രം ഉൾപ്പെടുത്തി സ്വകാര്യമായാണ് വിവാഹം നടന്നത്. ചുവപ്പും സ്വർണക്കസവുമുള്ള സാരിയിലുള്ള അഹാനയുടെ വധുവേഷവും നിമിഷിന്റെ ഐവറി സ്യൂട്ടും ഏറെ ശ്രദ്ധ നേടി..വിവാഹാഘോഷങ്ങളിൽ ദുൽഖർ സൽമാൻ, കല്യാണി പ്രിയദർശൻ, മമിത ബൈജു തുടങ്ങിയ ‘ലോക’ സിനിമയുമായി ബന്ധപ്പെട്ട താരങ്ങളും അണിയറപ്രവർത്തകരും ഒന്നിച്ചെത്തി. ഇതോടെ വിവാഹം അഹാന–നിമിഷ് വിശേഷത്തിൽ മാത്രം ഒതുങ്ങാതെ സിനിമാ ആരാധകർക്കിടയിലും കൂടുതൽ ചർച്ചയായി..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
