പഞ്ചസാരയില്ല, കുഴപ്പമില്ല എന്ന് നമ്മൾ കരുതുന്ന പല സാധാരണ ഭക്ഷണങ്ങളും ബ്ലഡ് ഷുഗർ അളവ് കൂട്ടാറുണ്ട് എന്ന സത്യം എത്രപേർക്ക് അറിയാം..നാം കഴിക്കുന്ന ഭക്ഷണത്തിനു രക്തത്തിലെ പഞ്ചസാരയുടെ അളവു വേഗം കൂട്ടുവാനുള്ള കഴിവുള്ളതിനാൽ ബ്ലഡ് ഷുഗർ അളവ് കൂട്ടുന്ന ചില ഭക്ഷണങ്ങൾ നോക്കാം..മൈദ കൊണ്ടുണ്ടാക്കിയ പൂരിനാൻ, പൂരി പോലുള്ള വിഭവങ്ങൾ നമ്മുടെ സ്ഥിരം ഭക്ഷണമാണ്. എന്നാൽ ഇവയിൽ ഗ്ലൈസെമിക് ഇൻഡക്സ് വളരെ കൂടുതലാണ്. മൈദയിൽ നാരുകൾ കുറവായതുകൊണ്ടും എണ്ണ ഉപയോഗിക്കുന്നതുകൊണ്ടും ശരീരം ഇതിനെ വേഗത്തിൽ പഞ്ചസാരയാക്കി മാറ്റുന്നു..ശർക്കരപഞ്ചസാരയ്ക്ക് പകരം ആരോഗ്യത്തിന് നല്ലതാണെന്ന് കരുതി നമ്മൾ ശർക്കര ഉപയോഗിക്കാറുണ്ട്. എന്നാൽ ശർക്കരയ്ക്കും ഉയർന്ന ഗ്ലൈസെമിക് ഇൻഡക്സ് ഉണ്ട്..പായ്ക്കറ്റ് ജ്യൂസ്കുപ്പികളിലും പായ്ക്കറ്റുകളിലും വരുന്ന ജ്യൂസുകൾ രക്തത്തിലെ പഞ്ചസാരയുടെ അളവ് പെട്ടെന്ന് കൂട്ടും. കാരണം ഇവയിൽ ഫൈബർ ഒട്ടും ഉണ്ടാകില്ല..ഉരുളക്കിഴങ്ങ്ഉരുളക്കിഴങ്ങ് ഫ്രൈസ്, പൊറോട്ടയുടെ കൂടെ കഴിക്കുന്ന ഉരുളക്കിഴങ്ങ് മസാല, ആലു പറാത്ത എന്നിവ പ്രമേഹമുള്ളവർ കഴിക്കാൻ പാടില്ല. ഇത് രക്തത്തിലെ പഞ്ചസാരയുടെ അളവ് കൂട്ടും..വറുത്ത പലഹാരങ്ങൾസമോസ, പക്കോഡ പോലുള്ള മൊരിഞ്ഞതും ഉപ്പുള്ളതുമായ പലഹാരങ്ങൾക്കും ഉയർന്ന ഗ്ലൈസെമിക് ഇൻഡക്സ് ഉണ്ട്. ഇത് ബ്ലഡ് ഷുഗർ കൂട്ടുന്നു..ചില പഴങ്ങൾമാമ്പഴം, മുന്തിരി, സപ്പോട്ട തുടങ്ങിയ മധുരം കൂടിയ പഴങ്ങൾ കഴിക്കുമ്പോൾ സ്വാഭാവികമായ പഞ്ചസാര ധാരാളമായി ശരീരത്തിലെത്തും. ഇവ ജ്യൂസ് രൂപത്തിൽ കുടിക്കുമ്പോൾ നാരുകൾ നഷ്ടപ്പെടുന്നതുകൊണ്ട് രക്തത്തിലെ പഞ്ചസാരയുടെ അളവ് പെട്ടെന്ന് കൂടാൻ സാധ്യതയുണ്ട്..വെള്ളച്ചോറ്നമ്മൾ ദിവസവും കഴിക്കുന്ന വെള്ളച്ചോറ് ബ്ലഡ് ഷുഗർ അളവ് കൂട്ടാൻ സാധ്യതയുണ്ട്. വെള്ളയരിയിൽ ഫൈബറിന്റെ അളവ് വളരെ കുറവാണ്. ഫൈബർ ഇല്ലാത്തതുകൊണ്ട് ചോറ് കഴിക്കുമ്പോൾ ബ്ലഡ് ഷുഗർ പെട്ടെന്ന് ഉയരും.
