ബോളിവുഡിൽ നായകന്മാർക്ക് ലഭിക്കുന്ന വമ്പൻ പ്രതിഫലമാണ് പലപ്പോഴും ചർച്ചയാകാറുള്ളത്. എന്നാൽ കാലം മാറുന്നതിനൊപ്പം നായികമാരുടെ പ്രതിഫലത്തിലും വലിയ മാറ്റമാണ് സംഭവിക്കുന്നത്..മികച്ച താരമൂല്യവും ബോക്സ് ഓഫീസ് സ്വാധീനവും സ്വന്തമാക്കിയ നിരവധി നടിമാർ ഇന്ന് ഒരു സിനിമയ്ക്ക് കോടികളാണ് പ്രതിഫലമായി വാങ്ങുന്നത്. ചിലരുടെ പ്രതിഫലം പല മുൻനിര നായകന്മാരുടേതിനോട് പോലും മത്സരിക്കുന്ന തരത്തിലാണ്..ഏറ്റവും ഉയർന്ന പ്രതിഫലം വാങ്ങുന്ന നടിമാരിൽ ദീപിക പദുക്കോൺ മുന്നിലാണ്. ഒരു സിനിമയ്ക്ക് 15 മുതൽ 30 കോടി രൂപ വരെ പ്രതിഫലം ലഭിക്കുന്നതായാണ് റിപ്പോർട്ടുകൾ. ബോളിവുഡിലെ മുൻനിര താരമെന്ന നിലയിലുള്ള ദീപികയുടെ താരമൂല്യവും തുടർച്ചയായ വിജയങ്ങളുമാണ് ഉയർന്ന പ്രതിഫലത്തിന് പിന്നിലെ പ്രധാന ഘടകങ്ങൾ.15 മുതൽ 27 കോടി രൂപ വരെയാണ് കങ്കണ റണാവത്തിന്റെ റിപ്പോർട്ട് ചെയ്ത പ്രതിഫലം. അഭിനയത്തിന് പുറമെ സംവിധായികയായും സിനിമാ നിർമ്മാണ രംഗത്തും സജീവമായ കങ്കണ, ബോളിവുഡിലെ ഏറ്റവും ശ്രദ്ധേയമായ വനിതാ താരങ്ങളിൽ ഒരാളാണ്..ബോളിവുഡിൽ നിന്ന് ഹോളിവുഡിലേക്കും ആഗോളതലത്തിലേക്കും സാന്നിധ്യം വ്യാപിപ്പിച്ച പ്രിയങ്ക ചോപ്രയ്ക്ക് 14 മുതൽ 23 കോടി രൂപ വരെ പ്രതിഫലം ലഭിക്കുന്നതായാണ് റിപ്പോർട്ട്. ദേശീയ പുരസ്കാരങ്ങൾ ഉൾപ്പെടെ നിരവധി അംഗീകാരങ്ങൾ നേടിയിട്ടുള്ള പ്രിയങ്കയുടെ ആഗോള താരമൂല്യവും ശ്രദ്ധേയമാണ്..ബോളിവുഡിലെ ജനപ്രിയ താരമായ കത്രീന കൈഫിന് 15 മുതൽ 21 കോടി രൂപ വരെ പ്രതിഫലം ലഭിക്കുന്നതായാണ് റിപ്പോർട്ട്. റൊമാൻസ്, കോമഡി, ആക്ഷൻ തുടങ്ങി വിവിധ തരത്തിലുള്ള വേഷങ്ങളിലൂടെ കത്രീന സ്വന്തമായ താരമൂല്യം നിലനിർത്തുന്നു..അഭിനയ മികവിനൊപ്പം ബോക്സ് ഓഫീസ് സ്വാധീനവും ഉറപ്പിച്ച ആലിയ ഭട്ടിന് 20 മുതൽ 25 കോടി രൂപ വരെ പ്രതിഫലം ലഭിക്കുന്നതായാണ് റിപ്പോർട്ടുകൾ സൂചിപ്പിക്കുന്നത്. ‘ഗംഗുബായ് കത്തിയവാടി’, ‘റാസി’, ‘ഉഡ്താ പഞ്ചാബ്’ തുടങ്ങിയ ചിത്രങ്ങളിലെ പ്രകടനങ്ങളിലൂടെ ആലിയ തന്റെ താരമൂല്യം ശക്തമാക്കിയിട്ടുണ്ട്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
