വിഴിഞ്ഞം തുറമുഖത്തെ ബാലരാമപുരം റെയില്വേ സ്റ്റേഷനുമായി ബന്ധിപ്പിക്കുന്ന നിര്ദിഷ്ട ഭൂഗര്ഭ റെയില്പാത നിര്മ്മിക്കുന്നതിന് കൊങ്കണ് റെയില് കോര്പ്പറേഷന് ലിമിറ്റഡ് തയ്യാറാക്കിയ ഡിപിആറിന് മന്ത്രിസഭായോഗം അനുമതി നല്കി.1482.92 കോടി രൂപയുടെ പദ്ധതിക്കാണ് ഭരണാനുമതി നല്കിയത്.2028 ഡിസംബറിന് മുമ്പേ റെയില് പാത ഗതാഗതയോഗ്യമാക്കുകയാണ് ലക്ഷ്യം.10.76 കിലോമീറ്റര് ദൂരം വരുന്ന നിര്ദിഷ്ട റെയില്പാതയില് 9.5 കിലോമീറ്റര് ആണ് ഭൂമിക്കടിയിലൂടെ നിര്മിക്കുന്നത്..വിഴിഞ്ഞം - ബാലരാമപുരം റോഡിന്റെ അതേ അലൈന്മെന്റില് ഭൂനിരപ്പില്നിന്ന് 30 മീറ്റര് എങ്കിലും താഴ്ചയിലാവും പാത കടന്നുപോവുക.ന്യു ഓസ്ട്രിയന് ടണലിങ് മെതേഡ് (എന്എടിഎം) എന്ന സാങ്കേതികവിദ്യയാവും ഭൂഗര്ഭപാതയുടെ നിര്മാണത്തിനായി ഉപയോഗിക്കുക..വിഴിഞ്ഞം തുറമുഖത്തിന്റെ 150 മീറ്റര് അടുത്തുനിന്നു തന്നെ ഭൂഗര്ഭപാത ആരംഭിക്കും. ടേബിള് ടോപ്പ് രീതിയിലാവും ഭൂഗര്ഭപാത ബാലരാമപുരത്തേക്ക് എത്തുക..നേമം-ബാലരാമപുരം റെയില്പാതയ്ക്കു സമാന്തരമായി സഞ്ചരിച്ച് ബാലരാമപുരത്ത് ചേരും.Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
