വനിതാ ടി20 ലോകകപ്പിന്റെ 8 അധ്യായങ്ങളില് 6 കിരീടവുമായി നില്ക്കുന്ന ഓസ്ട്രേലിയയെ ദക്ഷിണാഫ്രിക്ക അട്ടിമറിച്ചു..ഇതാദ്യമായാണ് ദക്ഷിണാഫ്രിക്ക ലോകകപ്പില് ഓസ്ട്രേലിയയെ വീഴ്ത്തുന്നത്..കഴിഞ്ഞ ഏഴ് ലോകകപ്പ് മത്സരങ്ങളിലും ഓസീസിനോടു തോല്വി..ചരിത്ര നേട്ടത്തിന്റെ വക്കിലാണ് ദക്ഷിണാഫ്രിക്കന് വനിതകള്..കിരീടം നേടിയാല് ദക്ഷിണാഫ്രിക്ക സ്വന്തമാക്കുന്ന ചരിത്രത്തിലെ ആദ്യ ലോക ചാംപ്യന് പട്ടമായി മാറും. (പുരുഷ, വനിതാ വിഭാഗത്തില് അവര്ക്ക് ഒരു ഫോര്മാറ്റിലും ലോകകപ്പ് കിരീട നേട്ടമില്ല).അന്നകി ബോഷിന്റെ 74 റണ്സാണ് കളിയുടെ ഗതി നിര്ണയിച്ചത്..വനിതാ ലോകകപ്പില് റണ്സ് ചേസ് ചെയ്യുമ്പോള് ഒരു താരം നേടുന്ന മികച്ച മൂന്നാമത്തെ സ്കോറെന്ന നേട്ടവും ഇന്നിങ്സിന്..വനിതാ ലോകകപ്പ് ചരിത്രത്തില് ഒരു താരം ഓസ്ട്രേലിയക്കെതിരെ നേടുന്ന ഏറ്റവും ഉയര്ന്ന മൂന്നാമത്തെ വ്യക്തിഗത സ്കോറും ഇതു തന്നെ..വനിതാ ലോകകപ്പില് (ടി20, ഏകദിനം) ഇംഗ്ലണ്ടും ഓസ്ട്രേലിയയും ഇല്ലാത്ത ആദ്യ ഫൈനലെന്ന സവിശേഷതയും ഇത്തവണയുണ്ട്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
