Today's Rashi Phalam october 05| പ്രണയ പങ്കാളിയുമായി പിണക്കത്തിന് സാധ്യത; വാക്കുകൾ ശ്രദ്ധിച്ച് ഉപയോഗിക്കുക

മേടം (അശ്വതി, ഭരണി, കാർത്തിക ¼)

കുടുംബജീവിതം സന്തോഷകരമാകും. സ്വന്തം കഴിവുകൾ പ്രകടിപ്പിക്കാൻ അവസരം ലഭിക്കും. കല, എഴുത്ത്, സംഗീതം തുടങ്ങിയ മേഖലകളിൽ താൽപര്യമുള്ളവർക്ക് നല്ല സമയം.

ഇടവം (കാർത്തിക ¾, രോഹിണി, മകയിരം ½)

മറ്റുള്ളവരിൽ തെറ്റിദ്ധരിക്കപ്പെടാൻ സാധ്യത കാണുന്നു. പ്രാർത്ഥനകളും വഴിപാടുകളും മുടങ്ങാതെ നടത്തുക. പൊതുവേ ഈശ്വരാധീനം കുറഞ്ഞ കാലമാണ്. സാമ്പത്തിക ക്ലേശം ഉണ്ടാകും.

മിഥുനം (മകയിരം ½, തിരുവാതിര, പുണർതം ¾)

പ്രണയ പങ്കാളിയുമായോ മക്കളുമായോ ചെറിയ പിണക്കങ്ങൾ ഉണ്ടാകാം. സാമ്പത്തിക പുരോഗതി പ്രതീക്ഷിക്കാം. പുതിയ സംരംഭങ്ങൾക്ക് കാലം അനുകൂലമാണ്. യാത്ര വിജയകരമാകും.

കർക്കടകം (പുണർതം ¼, പൂയം, ആയില്യം)

വരുമാനവും ചെലവും കൃത്യമായി പരിശോധിക്കുക. പണമിടപാടുകളിൽ ധൃതിപിടിച്ച തീരുമാനങ്ങൾ ഒഴിവാക്കുന്നത് നല്ലതാണ്. ദമ്പതികൾ തമ്മിലുള്ള തർക്കങ്ങൾ പരിഹരിക്കും.

ചിങ്ങം (മകം, പൂരം, ഉത്രം ¼)

മനസ്സിൽ തോന്നുന്ന ആശയങ്ങൾക്ക് പ്രായോഗിക രൂപം നൽകാൻ കഴിയും. കലാരംഗത്തും സൃഷ്ടിപരമായ പ്രവർത്തനങ്ങളിലും കഴിവ് തെളിയിക്കും. പെട്ടെന്നുള്ള യാത്രകൾ ആവശ്യമായി വരും.

കന്നി (ഉത്രം ¾, അത്തം, ചിത്തിര ½)

പ്രയാസത്തിലായ ഒരാൾക്ക് ആവശ്യമായ സഹായം നൽകും. സാമ്പത്തിക അഭിവൃദ്ധി പ്രതീക്ഷിക്കാം. മക്കളുടെ വിജയത്തിൽ സന്തോഷിക്കാൻ കഴിയും. ആരോഗ്യം തൃപ്തികരമാണ്.

തുലാം (ചിത്തിര ½, ചോതി, വിശാഖം ¼)

പങ്കാളിയോടോ മക്കളോടോ സംസാരിക്കുമ്പോൾ വാക്കുകൾ ശ്രദ്ധിച്ച് ഉപയോഗിക്കുക. ചെറിയ വിഷയത്തെ വലിയ തർക്കമാക്കാതിരിക്കാൻ ശ്രദ്ധ വേണം. അസുഖങ്ങൾ പൂർണമായി ഭേദമാകും.

വൃശ്ചികം (വിശാഖം ¾, അനിഴം, തൃക്കേട്ട)

മറ്റുള്ളവരുടെ കാര്യങ്ങളിൽ സഹായിക്കാൻ മുന്നിട്ടിറങ്ങും. ആരോഗ്യ കാര്യത്തിൽ കൂടുതൽ ശ്രദ്ധിക്കുക.വിശേഷ ചടങ്ങുകളിൽ പങ്കെടുക്കും. ഇപ്പോൾ നടത്തുന്ന ബിസിനസ് പുരോഗമിക്കും.

ധനു (മൂലം, പൂരാടം, ഉത്രാടം ¼)

സ്നേഹത്തിനും അടുപ്പമുള്ള ബന്ധങ്ങൾക്കും കൂടുതൽ പ്രാധാന്യം നൽകും. ദീർഘയാത്രകൾ നടത്തും. മക്കളോടൊപ്പം സ ന്തോഷകരമായ സമയം ചെലവഴിക്കും. സാമ്പത്തിക പുരോഗതി നേടും.

മകരം (ഉത്രാടം ¾, തിരുവോണം, അവിട്ടം ½)

പുറത്തുള്ള ഒരാളുടെ ഇടപെടലിലൂടെ ഒരു പ്രധാന കാര്യം നേടാൻ കഴിയും. അപേക്ഷിച്ചിട്ടുള്ള വായ്പകൾ അനുവദിച്ചു കിട്ടും. അന്യനാട്ടിൽ കഴിയുന്നവർക്ക് സ്വന്തം നാട്ടിലേക്ക് മടങ്ങാൻ സാധിക്കും.

കുംഭം (അവിട്ടം ½, ചതയം, പൂരുരുട്ടാതി ¾)

വിവാദങ്ങൾക്ക് ഇടയാക്കാവുന്ന വിഷയങ്ങളിൽ അഭിപ്രായം പറയുന്നതിൽ നിയന്ത്രണം പാലിക്കുക. ഭാഗ്യം അനുകൂലമല്ലാത്ത കാലമാണ് ഇത്. സാമ്പത്തിക ക്ലേശങ്ങൾ ഉണ്ടാകാം.

മീനം (രേവതി, പൂരുരുട്ടാതി ¼, ഉത്രട്ടാതി)

പല കാര്യങ്ങളും മന്ദഗതിയിൽ ആകാൻ ഇടയുണ്ട്. പണമിടപാടുകൾ കൃത്യമായി രേഖപ്പെടുത്തി മുന്നോട്ടുപോകുക. ചെറിയ അസുഖങ്ങൾ പിടിപെടാൻ സാധ്യത കാണുന്നു.