ബിരിയാണി കഴിഞ്ഞാല്‍ ഇന്ത്യക്കാര്‍ ഏറ്റവുമധികം കഴിച്ചത് എന്തെന്ന് അറിയാമോ?; സ്വിഗ്ഗി റിപ്പോര്‍ട്ട് ഇങ്ങനെ
രാജ്യത്ത് പതിറ്റാണ്ടുകളായി ഹോട്ടലുകളില്‍ നിന്നുള്ള ഓര്‍ഡറുകളില്‍ ഒന്നാം സ്ഥാനത്ത് നില്‍ക്കുന്നത് ബിരിയാണിയാണ്.
chicken biriyani
Last Updated :24 December 2025, 1:07 pm IST
മുംബൈ: രാജ്യത്ത് പതിറ്റാണ്ടുകളായി ഹോട്ടലുകളില്‍ നിന്നുള്ള ഓര്‍ഡറുകളില്‍ ഒന്നാം സ്ഥാനത്ത് നില്‍ക്കുന്നത് ബിരിയാണിയാണ്. പ്രമുഖ ഫുഡ് ഡെലിവറി ആപ്പായ സ്വിഗ്ഗിയുടെ 2025ലെ ഓര്‍ഡര്‍ പട്ടികയിലും ഒന്നാം സ്ഥാനത്ത് ബിരിയാണി തന്നെയാണ്. 2025ല്‍ ഓര്‍ഡര്‍ അനുസരിച്ച് 9.3 കോടി ബിരിയാണികളാണ് സ്വിഗ്ഗി ഉപയോക്താക്കളുടെ കൈയില്‍ എത്തിച്ചത്. മിനിറ്റിന്റെ അടിസ്ഥാനത്തില്‍ കണക്കാക്കിയാല്‍ ഈ വര്‍ഷം ഓരോ മിനിറ്റിലും ശരാശരി 194 ബിരിയാണി ഓര്‍ഡറുകളാണ് സ്വിഗ്ഗി കൈകാര്യം ചെയ്തത്.
“How India Swiggy’d” എന്നതിന്റെ പത്താം പതിപ്പ് അനുസരിച്ച് ബിരിയാണികളില്‍ ഏറ്റവും മുന്നില്‍ ചിക്കന്‍ ബിരിയാണിയാണ്. 2025ല്‍ 5.77 കോടി ചിക്കന്‍ ബിരിയാണി ആണ് വിതരണം ചെയ്തത്. വിവിധ ബിരിയാണി വകഭേദങ്ങളില്‍ ആവര്‍ത്തിച്ച് വാങ്ങിയതിലും മുന്നില്‍ ചിക്കന്‍ ബിരിയാണി തന്നെയാണ്.
4.42 കോടി ഓര്‍ഡറുകളുമായി ബര്‍ഗര്‍ ആണ് രണ്ടാം സ്ഥാനത്ത്. 2025ല്‍ സ്വഗ്ഗി വിതരണം ചെയ്ത ഭക്ഷ്യവസ്തുക്കളില്‍ പിസയാണ് മൂന്നാം സ്ഥാനത്ത്. 4.01 കോടി പിസയാണ് ഈ വര്‍ഷം സ്വിഗ്ഗി ഉപയോക്താക്കളുടെ കൈയില്‍ എത്തിച്ചത്. വെജിറ്റേറിയന്‍ ഭക്ഷണത്തില്‍ ദോശയാണ് മുന്‍പന്തിയില്‍. ഈ വര്‍ഷം ദോശയ്ക്കായി 2.62 കോടി ഓര്‍ഡറുകളാണ് സ്വിഗ്ഗിക്ക് ലഭിച്ചത്.
മധുരപലഹാരങ്ങളുടെ കാര്യത്തില്‍ വൈറ്റ് ചോക്ലേറ്റ് കേക്ക് ആണ് ഒന്നാം സ്ഥാനത്ത്. ഈ വര്‍ഷം 69 ലക്ഷം ഓര്‍ഡര്‍ ആണ് സ്വിഗ്ഗിക്ക് ലഭിച്ചത്. ചോക്ലേറ്റ് കേക്ക് (54 ലക്ഷം), ഗുലാബ് ജാമുന്‍ (45 ലക്ഷം), കാജു ബര്‍ഫി (20 ലക്ഷം) എന്നിവയാണ് തൊട്ടുപിന്നില്‍. മെക്‌സിക്കന്‍ (1.6 കോടി ഓര്‍ഡറുകള്‍), ടിബറ്റന്‍ (1.2 കോടി), കൊറിയന്‍ (47 ലക്ഷം ഓര്‍ഡറുകള്‍) ഭക്ഷണവിഭവങ്ങള്‍ ഉപഭോക്താക്കളുടെ ഇഷ്ടവിഭവങ്ങളായി മാറിയതോടെ ആഗോള ഭക്ഷണവിഭവങ്ങളും ഇന്ത്യന്‍ വിപണിയുടെ ഭാഗമായി.
മുംബൈയിലെ ഒരു ഭക്ഷണപ്രിയന്‍ 2025ല്‍ സ്വിഗ്ഗിയില്‍ 3,196 ഭക്ഷണ ഓര്‍ഡറുകളാണ് നല്‍കിയത്. പ്രതിദിനം നോക്കുകയാണെങ്കില്‍ ഏകദേശം 9 ഭക്ഷണ ഓര്‍ഡറുകള്‍. രാജ്യത്തെ ഏറ്റവും ഉയര്‍ന്ന നിരക്കാണിത്. 1.1 കോടി ഓര്‍ഡറുകളുമായി ഇഡ്‌ലി പ്രഭാതത്തിലെ ഏറ്റവും പ്രിയങ്കരമായ ഭക്ഷ്യവിഭവമായി മാറി.
വെജ് ദോശയാണ് തൊട്ടുപിന്നില്‍. 96 ലക്ഷം ഓര്‍ഡറുകളാണ് ലഭിച്ചത്. തൊട്ടടുത്ത സ്ഥാനത്ത് വടയും സ്ഥാനം പിടിച്ചു. രാത്രി വൈകിയുള്ള സമയങ്ങളില്‍ (12am - 2am), 23 ലക്ഷം ഓര്‍ഡറുകള്‍ നേടി ചിക്കന്‍ ബര്‍ഗര്‍ ആണ് ഒന്നാം സ്ഥാനത്ത്. ചിക്കന്‍ ബിരിയാണി, വെജ് ബര്‍ഗറുകള്‍, വെജ് പിസ്സകള്‍ എന്നിവയും രാത്രി സമയങ്ങളിലെ ഇഷ്ടപ്പെട്ട വിഭവങ്ങളാണെന്നും കണക്കുകള്‍ വ്യക്തമാക്കുന്നു. ജയ്പൂര്‍, ചണ്ഡീഗഡ്, കൊച്ചി, ഡെറാഡൂണ്‍, വഡോദര, മംഗലാപുരം തുടങ്ങി വളര്‍ന്നുവരുന്ന വിപണികളില്‍ സ്വിഗ്ഗി ഡൈന്‍ഔട്ട് ഉപയോഗിച്ച് ഭക്ഷണം കഴിക്കുന്നത് ജനപ്രീതി നേടിയതായി സ്വിഗ്ഗി പറഞ്ഞു.
News Now
ഗ്യാനേഷ് കുമാറിനെ മാറ്റണം; നാളെ നിയമസഭയില്‍ പ്രമേയം അവതരിപ്പിക്കും, എല്‍ഡിഎഫ് പിന്തുണയ്ക്കും
ബെഡ്ഷീറ്റ് ദിവസങ്ങളോളം കഴുകാതെ ഉപയോഗിക്കാറുണ്ടോ? അറിയാം ആരോഗ്യപ്രശ്നങ്ങൾ
Jantar Mantar Protest: ജോൺ ബ്രിട്ടാസിനെ ദേഹാസ്വാസ്ഥ്യത്തെ തുടർന്ന് ആർഎംഎൽ ആശുപത്രിയിൽ പ്രവേശിപ്പിച്ചു
ഡൽഹിയിൽ അരങ്ങേറുന്നത് നാസി ജർമ്മനിയെ ഓർമ്മിപ്പിക്കുന്ന നരനായാട്ട്; ചോരയിൽ മുക്കിക്കൊല്ലാൻ നോക്കേണ്ടെന്ന് പിണറായി വിജയൻ
Summary
Swiggy executed 3.25 biryani orders per second in 2025
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
Related topics
Related News
വിവാഹം നടത്താന്‍ 25 ലക്ഷം രൂപയുടെ ഗോള്‍; 5,10,15 വര്‍ഷത്തേയ്ക്ക് പ്രതിമാസം എത്ര രൂപ നിക്ഷേപിക്കണം?
അടിച്ചുമക്കളെ..., 30 കോടിയുടെ ഒന്നാം സമ്മാനം ഈ നമ്പറിന്; തിരുവോണം ബംപര്‍ ലോട്ടറി ഫലം പ്രഖ്യാപിച്ചു
