ഡിപ്ലോമ പാസായവർക്ക് ഇന്ത്യൻ ഓയിൽ കോർപ്പറേഷൻ ജോലി; ഒരു ലക്ഷം വരെ ശമ്പളം

ഇന്ത്യൻ ഓയിൽ കോർപ്പറേഷൻ ലിമിറ്റഡ് (IOCL) വിവിധ റിഫൈനറി, പെട്രോകെമിക്കൽ യൂണിറ്റുകളിലായി നോൺ-എക്‌സിക്യൂട്ടീവ് തസ്തികയിൽ നിയമനം നടത്തുന്നു. ജൂനിയർ എഞ്ചിനീയറിങ് അസിസ്റ്റന്റ്- IV എന്ന വിഭാഗത്തിലായി 394 ഒഴിവുകളാണ് ഉള്ളത്.

എൻജിനീയറിങ് വിഷയത്തിൽ ഡിപ്ലോമയുള്ളവർക്ക് ജോലി നേടാനുള്ള മികച്ച അവസരമാണിത്. അപേക്ഷകൾ സമർപ്പിക്കേണ്ട അവസാന തീയതി 09 ജനുവരി 2026.

വിദ്യാഭ്യാസ യോഗ്യത

ജൂനിയർ എഞ്ചിനീയറിങ് അസിസ്റ്റന്റ്-IV (പ്രൊഡക്ഷൻ):

കെമിക്കൽ / റിഫൈനറി & പെട്രോകെമിക്കൽ എഞ്ചിനീയറിങ് ഡിപ്ലോമ അല്ലെങ്കിൽ ബി.എസ്‌സി. (മാത്‍സ്, ഫിസിക്സ്, കെമിസ്ട്രി/ഇൻഡസ്ട്രിയൽ കെമിസ്ട്രി).

ജൂനിയർ എഞ്ചിനീയറിങ് അസിസ്റ്റന്റ്-IV (പി&യു):

മെക്കാനിക്കൽ / ഇലക്ട്രിക്കൽ എഞ്ചിനീയറിങിൽ ഡിപ്ലോമ അല്ലെങ്കിൽ ബി.എസ്‌സി. (പിസിഎം) പ്ലസ് ബോയിലർ കോംപിറ്റൻസി സർട്ടിഫിക്കറ്റ് (ബിസിസി) / ബോയിലർ അറ്റൻഡന്റിൽ എൻഎസി.

ജൂനിയർ എഞ്ചിനീയറിങ് അസിസ്റ്റന്റ്-IV (പി&യു-ഒ&എം)

ഇലക്ട്രിക്കൽ എഞ്ചിനീയറിംങിൽ ഡിപ്ലോമ.

ജൂനിയർ എഞ്ചിനീയറിങ് അസിസ്റ്റന്റ്-IV (ഇലക്ട്രിക്കൽ):

ഇലക്ട്രിക്കൽ/ ഇലക്ട്രിക്കൽ & ഇലക്ട്രോണിക്സ് എഞ്ചിനീയറിംഗിൽ ഡിപ്ലോമ.

ജൂനിയർ എഞ്ചിനീയറിങ് അസിസ്റ്റന്റ്-IV (മെക്കാനിക്കൽ)

മെക്കാനിക്കൽ / മെക്കാനിക്കൽ (പ്രൊഡക്ഷൻ) എഞ്ചിനീയറിങിൽ ഡിപ്ലോമ.

ജൂനിയർ എഞ്ചിനീയറിങ് അസിസ്റ്റന്റ്-IV (ഇൻസ്ട്രുമെന്റേഷൻ)

ഇൻസ്ട്രുമെന്റേഷൻ / ഇലക്ട്രോണിക്സ് & ഇൻസ്ട്രുമെന്റേഷൻ / കൺട്രോൾ എഞ്ചിനീയയറിങിൽ ഡിപ്ലോമ.

ജൂനിയർ ക്വാളിറ്റി കൺട്രോൾ അനലിസ്റ്റ്

ബി.എസ്‌സി. ഫിസിക്സ്, കെമിസ്ട്രി/ഇൻഡസ്ട്രിയൽ കെമിസ്ട്രി & മാത്തമാറ്റിക്സ് എന്നിവയിൽ ബിരുദം.

ജൂനിയർ എഞ്ചിനീയറിങ് അസിസ്റ്റന്റ്-IV (ഫയർ & സേഫ്റ്റി)

പത്താം ക്ലാസ്, സബ്-ഓഫീസേഴ്‌സ് കോഴ്‌സ് ഇവയ്ക്കൊപ്പം സാധുവായ ഹെവി വെഹിക്കിൾ ഡ്രൈവിങ് ലൈസൻസ്.

പ്രായപരിധി

അപേക്ഷകരുടെ ഉയർന്ന പ്രായപരിധി 26 വയസ്സ്.സർക്കാർ നിയമങ്ങൾ അനുസരിച്ച് സംവരണ വിഭാഗത്തിൽ ഉൾപ്പെട്ടവർക്ക് ഇളവുകൾ ലഭിക്കും.

ശമ്പളവും ആനുകൂല്യങ്ങളും

ശമ്പള സ്കെയിൽ: 25,000 മുതൽ 1,05,000 രൂപ വരെ പ്രതീക്ഷിക്കാം. അടിസ്ഥാന ശമ്പളത്തിനും ഡിഎയ്ക്കും പുറമേ, ജീവനക്കാർക്ക് കോർപ്പറേഷൻ നിയമങ്ങൾ അനുസരിച്ചുള്ള മറ്റ് ആനുകൂല്യങ്ങൾ ലഭിക്കും.

കമ്പ്യൂട്ടർ അധിഷ്ഠിത പരീക്ഷയുടെയും സ്‌കിൽ ടെസ്റ്റിന്റെയും അടിസ്ഥാനത്തിലാണ് നിയമനം നടത്തുന്നത്. കൂടുതൽ വിവരങ്ങൾക്ക് https://ibpsreg.ibps.in/ioclnov25/ സന്ദർശിക്കുക