കേരള കാലാവസ്ഥാ പഠന കേന്ദ്രത്തിൽ പ്രോജക്ട് ഫെല്ലോ ഒഴിവ്; ജൂലൈ 14-ന് അഭിമുഖം

കേരള സംസ്ഥാന ശാസ്ത്ര സാങ്കേതിക പരിസ്ഥിതി കൗൺസിലിന്റെ (KSCSTE) കീഴിലുള്ള ഇൻസ്റ്റിറ്റ്യൂട്ട് ഫോർ ക്ലൈമറ്റ് ചേഞ്ച് സ്റ്റഡീസ് (ICCS)-ൽ പ്രോജക്ട് ഫെല്ലോ ഒഴിവിലേക്ക് അപേക്ഷ ക്ഷണിച്ചു. “ട്രെൻഡ്സ് ഇൻ മൺസൂൺ ബ്രേക്സ് ഇൻ കേരള ആൻഡ് ദെയർ ഇംപാക്ട് ഓൺ അഗ്രിക്കൾച്ചർ” എന്ന ഗവേഷണ പ്രോജക്ടിലേക്കാണ് നിയമനം. താല്പര്യമുള്ള ഉദ്യോഗാർത്ഥികൾ ഐ.സി.സി.എസ് ഓഫീസിൽ വെച്ച് ജൂലൈ 14-ന് നടക്കുന്ന അഭിമുഖത്തിൽ പങ്കെടുക്കാം.

പ്രോജക്ട് ഫെല്ലോ

• ഒഴിവുകളുടെ എണ്ണം: 01

• പ്രായപരിധി: പരമാവധി 30 വയസ്സ് (പട്ടികജാതി/പട്ടികവർഗ്ഗ/ഒ.ബി.സി/ഇ.ഡബ്ല്യു.എസ് ഉദ്യോഗാർത്ഥികൾക്ക് നിയമാനുസൃതമായ പ്രായശളവ് ലഭിക്കും)

• പ്രതിമാസ ശമ്പളം: 36,000/- രൂപ (ഏകീകൃത തുക)

• വിദ്യാഭ്യാസ യോഗ്യത: സിവിൽ അല്ലെങ്കിൽ അഗ്രിക്കൾച്ചറൽ എഞ്ചിനീയറിംഗിൽ ബി.ടെക്. കൂടാതെ വാട്ടർ റിസോഴ്സസ് / ഹൈഡ്രോളജി / ജിയോഇൻഫോർമാറ്റിക്സ് / റിമോട്ട് സെൻസിംഗ് എന്നിവയിലൊന്നിൽ എം.ടെക് യോഗ്യത ഉണ്ടായിരിക്കണം.

• അഭിലഷണീയമായ യോഗ്യത: ഹൈഡ്രോളജി, അഗ്രിക്കൾച്ചർ, ക്ലൈമറ്റ് ഡാറ്റാ അനാലിസിസ് എന്നിവയിലുള്ള ഗവേഷണ പരിചയം അല്ലെങ്കിൽ ഗേറ്റ് (GATE) യോഗ്യത.

• നിയമന കാലാവധി: ഒരു വർഷം (ആദ്യത്തെ 3 മാസത്തെ സേവന വിലയിരുത്തലിന് വിധേയമായി) അല്ലെങ്കിൽ പ്രോജക്ട് അവസാനിക്കുന്നത് വരെ.

ഇൻ്റർവ്യൂ വിവരങ്ങൾ

തീയതിയും സമയവും: 2026 ജൂലൈ 14 (ചൊവ്വാഴ്ച), രാവിലെ 9:30 ന്.

സ്ഥലം: ഇൻസ്റ്റിറ്റ്യൂട്ട് ഫോർ ക്ലൈമറ്റ് ചേഞ്ച് സ്റ്റഡീസ് (ICCS) ഓഫീസ്, കോട്ടയം.

വിലാസം: ബിൽഡിങ് നമ്പർ: 203/A3, ഗവൺമെൻ്റ് മെഡിക്കൽ കോളേജിന് സമീപം, ഗാന്ധിനഗർ പി.ഒ, കോട്ടയം, കേരളം - 686008.

ശ്രദ്ധിക്കേണ്ട കാര്യങ്ങൾ

• ഉദ്യോഗാർഥികൾ വിശദമായ ബയോഡാറ്റയും (biodata) പ്രായം, യോഗ്യത എന്നിവ തെളിയിക്കുന്ന അസ്സൽ സർട്ടിഫിക്കറ്റുകളും ഒപ്പം ഒരു ഫോട്ടോ പതിച്ച തിരിച്ചറിയൽ രേഖയും സഹിതം ഇൻ്റർവ്യൂവിന് കൃത്യസമയത്ത് ഹാജരാകേണ്ടതാണ്.

• പ്രായപരിധിയിൽ ഇളവ് ലഭിക്കുന്നതിനായി അർഹരായവർ ബന്ധപ്പെട്ട സർട്ടിഫിക്കറ്റുകളുടെ ഒറിജിനൽ ഹാജരാക്കണം.

• ഇൻ്റർവ്യൂവിൽ പങ്കെടുക്കുന്നവർക്ക് യാത്രാപ്പടിയോ (TA/DA) മറ്റ് ആനുകൂല്യങ്ങളോ ലഭിക്കുന്നതല്ല.

• തെരഞ്ഞെടുക്കപ്പെടുന്നവരെ ഫോൺ വഴിയോ ഇമെയിൽ വഴിയോ മാത്രമേ വിവരമറിയിക്കൂ. അതുകൊണ്ട് കൃത്യമായ ഫോൺ നമ്പറും ഇമെയിൽ വിലാസവും നൽകാൻ ശ്രദ്ധിക്കുക.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://iccs.res.in/wp-content/uploads/2026/06/Project-fellow-notification_Seed.pdf