PSC: ഡിപ്ലോമ യോഗ്യതയുണ്ടോ? വിദ്യാഭ്യാസ വകുപ്പിൽ ഇൻസ്ട്രക്ടർ ആകാം

കേരള പബ്ലിക് സർവീസ് കമ്മിഷൻ (Kerala PSC) സാങ്കേതിക വിദ്യാഭ്യാസ വകുപ്പിൽ നിയമനം നടത്താനുള്ള വിജ്ഞാപനം പുറത്തിറക്കി. വർക്ക്ഷോപ്പ് ഇൻസ്ട്രക്ടർ/ഡെമോൺസ്ട്രേറ്റർ/ഇൻസ്ട്രക്ടർ ഗ്രേഡ് II/ഡ്രാഫ്ട്സ്മാൻ ഗ്രേഡ് II (ഇലക്ട്രിക്കൽ എഞ്ചിനീയറിങ്) തസ്തികയിൽ നിയമനം നടത്തുന്നു.  40 വയസ് വരെയുള്ളവർക്ക് അപേക്ഷിക്കാം. എഞ്ചിനീയറിങ് ഡിപ്ലോമ യോഗ്യതയുള്ളവർക്ക് ഓൺലൈനായി അപേക്ഷിക്കാം. അവസാന തീയതി ഓഗസ്റ്റ് 05.

വകുപ്പ് : സാങ്കേതിക വിദ്യാഭ്യാസ വകുപ്പ്

ഉദ്യോഗപ്പേര് : വർക്ക്ഷോപ്പ് ഇൻസ്ട്രക്ടർ/ഡെമോൺസ്ട്രേറ്റർ/ഇൻസ്ട്രക്ടർ ഗ്രേഡ് II/ ഡ്രാഫ്ട്സ്മാൻ ഗ്രേഡ് II ഇൻ ഇലക്ട്രിക്കൽ എഞ്ചിനീയറിങ്

ശമ്പളം : 41,300-87,000/-

ഒഴിവുകളുടെ എണ്ണം : പ്രതീക്ഷിത ഒഴിവുകൾ

വിദ്യാഭ്യാസ യോഗ്യത

ബന്ധപ്പെട്ട ഇലക്ട്രിക്കൽ എഞ്ചിനീയറിങ്/ടെക്നോളജി വിഭാഗത്തിൽ സർക്കാർ അല്ലെങ്കിൽ സർവകലാശാല അംഗീകരിച്ച മൂന്നുവർഷ ഡിപ്ലോമ അല്ലെങ്കിൽ തത്തുല്യ യോഗ്യത ഉണ്ടായിരിക്കണം. സർക്കാർ അംഗീകരിച്ച തത്തുല്യ/ഉയർന്ന യോഗ്യതകളും പരിഗണിക്കും.

നിയമന രീതി

• നേരിട്ടുള്ള നിയമനം

• 4% ഒഴിവുകൾ ഭിന്നശേഷി ഉദ്യോഗാർഥികൾക്കായി സംവരണം ചെയ്തിട്ടുണ്ട്.

• റാങ്ക് ലിസ്റ്റിന് കുറഞ്ഞത് ഒരു വർഷവും പരമാവധി മൂന്ന് വർഷവും പ്രാബല്യമുണ്ടാകും.

അപേക്ഷിക്കേണ്ട വിധം

ഉദ്യോഗാർഥികൾ കേരള PSC-യുടെ ഒറ്റത്തവണ രജിസ്ട്രേഷൻ (One Time Registration - OTR) സംവിധാനത്തിലൂടെ അപേക്ഷിക്കണം. ഇതിനകം രജിസ്റ്റർ ചെയ്തവർ അവരുടെ പ്രൊഫൈലിൽ ലോഗിൻ ചെയ്ത് 'Apply Now' വഴി അപേക്ഷ സമർപ്പിക്കാം. അപേക്ഷാ ഫീസ് ഇല്ല.

അവസാന തീയതി

2026 ഓഗസ്റ്റ് 5 (ബുധനാഴ്ച) രാത്രി 12.00 മണി വരെ ഓൺലൈനായി അപേക്ഷിക്കാം.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://www.keralapsc.gov.in/sites.pdf