തെരഞ്ഞെടുപ്പ്; കേരളത്തിൽ നാളെ മുതൽ പത്രിക സമർപ്പിക്കാം

തിരുവനന്തപുരം: ലോക്സഭാ തെരഞ്ഞെടുപ്പിന് കേരളത്തിലെ സ്ഥാനാർത്ഥികൾക്കു നാളെ മുതൽ നാമനിർദേശ പത്രിക സമർപ്പിക്കാം. ഏപ്രിൽ നാല് വരെ ( ഏഴ് ദിവസം) പത്രിക സമർപ്പിക്കാൻ അവസരമുണ്ട്. പത്രികകളുടെ സൂക്ഷ്മ പരിശോധന അഞ്ചിന്. എട്ട് വരെ പിൻവലിക്കാം. 

തെരഞ്ഞെടുപ്പു വിജ്ഞാപനം നാളെ പുറപ്പെടുവിക്കും. 23നാണ് വോട്ടെടുപ്പ്. വോട്ടെടുപ്പിന് 27നാൾ ശേഷിക്കെ വോട്ടിങ് യന്ത്രം ക്രമീകരിക്കുന്ന പ്രവർത്തനങ്ങൾക്കു ജില്ലകളിൽ തുടക്കമായി. ഉദ്യോഗസ്ഥർക്കുള്ള പരിശീലനം ഉടൻ ആരംഭിക്കും.