23,000ല്‍ താഴെ വില, 50 എംപി കാമറ; ലാവയുടെ പുതിയ ഫോണ്‍ വിപണിയില്‍, അറിയാം അഗ്നി ഫോര്‍ ഫീച്ചറുകള്‍
പ്രമുഖ സ്മാര്‍ട്ട്ഫോണ്‍ നിര്‍മ്മാതാക്കളായ ലാവയുടെ അഗ്നി സീരീസിലെ പുതിയ ഫോണായ അഗ്നി ഫോര്‍ ഇന്ത്യന്‍ വിപണിയില്‍ അവതരിപ്പിച്ചു
Lava International launches AGNI 4image credit:Lava
Edited by :dhanojam
Last Updated :20 നവംബർ 2025, 2:34 pm IST
മുംബൈ:പ്രമുഖ സ്മാര്‍ട്ട്ഫോണ്‍ നിര്‍മ്മാതാക്കളായ ലാവയുടെ അഗ്നി സീരീസിലെ പുതിയ ഫോണായ അഗ്നി ഫോര്‍ ഇന്ത്യന്‍ വിപണിയില്‍ അവതരിപ്പിച്ചു. പ്രീമിയം ഫീച്ചറുകളോടെയും ഉയര്‍ന്ന സാങ്കേതികവിദ്യയോടെയും വിപണിയില്‍ എത്തിയ ഫോണിന് 22,999 രൂപയാണ് വില.
ഫാന്റം ബ്ലാക്ക്, ലൂണാര്‍ മിസ്റ്റ് നിറങ്ങളില്‍ ഫോണ്‍ ലഭ്യമാണ്. നവംബര്‍ 25 മുതല്‍ ആമസോണില്‍ വില്‍പ്പന ആരംഭിക്കും. 8 ജിബി റാമും 256 ജിബി സ്റ്റോറേജുമുള്ള ഫോണിന്റെ റാം 16 ജിബി വരെ നീട്ടാനുള്ള ഓപ്ഷനുണ്ട്. അടുത്ത തലമുറ LPDDR5X റാമും UFS 4.0 സ്റ്റോറേജും സഹിതമുള്ള മീഡിയടെക് ഡൈമെന്‍സിറ്റി 8350 5G ചിപ്സെറ്റാണ് ഫോണിന് കരുത്ത് പകരുന്നത്. യഥാര്‍ത്ഥ കാഴ്ചയ്ക്കായി 6.67 ഇഞ്ച് 1.5K AMOLED ഡിസ്പ്ലേയാണ് ഫോണിന്റെ മറ്റൊരു പ്രത്യേകത.
50MP പ്രധാന കാമറയും 50MP മുന്‍ കാമറയും ഫോണിലുണ്ട്. ഇവ രണ്ടും 60FPSല്‍ 4K വിഡിയോ റെക്കോര്‍ഡിങ് പ്രാപ്തമാക്കുന്നു. 8MP അള്‍ട്രാ-വൈഡ് ലെന്‍സുമായി ജോടിയാക്കിയിരിക്കുന്ന കാമറ സിസ്റ്റം, സീന്‍ ഒപ്റ്റിമൈസേഷനും ഇന്ത്യന്‍ സ്‌കിന്‍ ടോണ്‍ ഡിറ്റക്ഷനും വേണ്ടി എഐ ഫീച്ചറുകള്‍ പ്രയോജനപ്പെടുത്തുന്നു.
66W ഫാസ്റ്റ് ചാര്‍ജിങ്ങുള്ള 5000mAh ബാറ്ററി (19 മിനിറ്റിനുള്ളില്‍ 50 ശതമാനം ചാര്‍ജ്), പ്രീമിയം അലുമിനിയം അലോയ് ഫ്രെയിം, IP64 വാട്ടര്‍ ആന്‍ഡ് ഡസ്റ്റ് റെസിസ്റ്റന്‍സ്, കസ്റ്റമൈസ് ചെയ്യാവുന്ന ആക്ഷന്‍ കീ എന്നിവയാണ് മറ്റു പ്രത്യേകതകള്‍. ആന്‍ഡ്രോയിഡ് 15ലാണ് ഫോണ്‍ പ്രവര്‍ത്തിക്കുന്നത്.
News Now
പുറത്ത് മുള്ളുകൾ, ഉള്ളിൽ ഗുണങ്ങൾ; ഡ്രാഗൺ ഫ്രൂട്ട് കഴിച്ചാൽ ശരീരത്തിന് എന്ത് സംഭവിക്കും?
വന്യജീവി വരാഘോഷത്തിന്റെ സംസ്ഥാനതല ഉദ്ഘാടന പന്തൽ തകർന്നു വീണു: മൂന്ന് പൊലീസുകാർ ഉൾപ്പെടെ നാല് പേർക്ക് പരിക്ക്
'വിജയ് പറഞ്ഞത് കേട്ട് ഞാന്‍ കരഞ്ഞു, അവന് എന്നെ ഇഷ്ടമല്ലെന്ന് കരുതി'; തുറന്നു പറഞ്ഞ് രശ്മിക മന്ദാന
യാത്രാനിരക്കില്‍ പതിനായിരം രൂപ വരെ വര്‍ധന; ടിക്കറ്റ് ചാര്‍ജ് കുത്തനെ കൂട്ടി ഇന്‍ഡിഗോ
Summary
Lava International launches AGNI 4, its new flagship smartphone, at Rs 22,999 in India
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
