തലച്ചോറിന്റെ ആരോ​ഗ്യം മെച്ചപ്പെടുത്താൻ പ്രായത്തിന് അനുസരിച്ച് ജീവിതശൈലിയിൽ മാറ്റം വരുത്താം

ശ്വാസം എടുക്കുന്നതു മുതൽ തീരുമാനമെടുക്കൽ, പ്രശ്നപരിഹാരം എന്നിങ്ങനെ സങ്കീർണമായ ജോലികൾ വരെ നാം ചെയ്യുന്ന എല്ലാത്തിനും തലച്ചോറിന് ഉത്തരവാദിത്വമുണ്ട്. തലച്ചോറിന്റെ ആരോ​ഗ്യം മെച്ചപ്പെടുത്തുന്നതിലൂടെ നമ്മുടെ വൈജ്ഞാനിക കഴിവുകൾ വർധിപ്പിക്കാനും ഓർമ ശക്തി മെച്ചപ്പെടുത്താനും ന്യൂറോളജിക്കൽ വൈകല്യങ്ങൾക്കുള്ള സാധ്യത കുറയ്ക്കാനും സാധിക്കും. ചിട്ടയായ വ്യായാമം, സമീകൃതാഹാരം തുടങ്ങിയവ തലച്ചോറിന്റെ പ്രവർത്തനത്തെ പിന്തുണയ്ക്കുന്നു. പ്രായമനുസരിച്ച് ജീവിതശൈലിയിൽ വരുത്തുന്ന മാറ്റങ്ങൾ നിങ്ങളുടെ തലച്ചോറിന്റെ ആരോ​ഗ്യത്തെ സ്വാധീനിക്കും.

20-കളിലും 30-കളിലും 40-കളിലും തലച്ചോറിൻ്റെ ആരോഗ്യം സംരക്ഷിക്കുന്നതിനുള്ള 8 വഴികൾ ഇതാ...

20-കളില്‍: ജോഗിങ്, സൈക്ലിങ് അല്ലെങ്കിൽ ജിം വർക്കൗട്ടുകൾ പോലെയുള്ള പതിവ് വ്യായാമങ്ങളിൽ ഏർപ്പെടുക. ശാരീരികമായി സജീവമാകുന്നത് തലച്ചോറിലേക്കുള്ള രക്തയോട്ടം വർധിപ്പിക്കുകയും വൈജ്ഞാനിക പ്രവർത്തനത്തെ പ്രോത്സാഹിപ്പിക്കുകയും ചെയ്യുന്നു.

30-കളില്‍: കാർഡിയോവസ്കുലാർ, സ്ട്രെങ്ത്ത് ട്രെയിനിങ്, വഴക്കമുള്ള വ്യായാമങ്ങൾ എന്നിവയെല്ലാം ഉൾപ്പെടുത്തി ശരീരികമായി സജീവമാകുക. യോഗ അല്ലെങ്കിൽ പൈലേറ്റ്സ് പോലുള്ള പ്രവർത്തനങ്ങൾ പരിഗണിക്കാവുന്നതാണ്.

40-കളില്‍: സ്ഥിരമായ ഒരു വ്യായാമ ദിനചര്യ നിലനിർത്തണം. മസ്തിഷ്ക ആരോഗ്യം മെച്ചപ്പെടുന്നതിന് സന്തുലിതാവസ്ഥയെയും ഏകോപനത്തെയും വെല്ലുവിളിക്കുന്ന പ്രവർത്തനങ്ങൾ ഉൾപ്പെടുത്തുക.

20-കളില്‍: പഴങ്ങൾ, പച്ചക്കറികൾ, ധാന്യങ്ങൾ, പ്രോട്ടീന്‍, ആരോഗ്യകരമായ കൊഴുപ്പ് എന്നിവയാൽ സമ്പന്നമായ ഭക്ഷണക്രമം ഉള്‍പ്പെടുത്തുക. മത്സ്യം, പരിപ്പ്, വിത്തുകൾ എന്നിവയിൽ കാണപ്പെടുന്ന ഒമേഗ -3 ഫാറ്റി ആസിഡുകൾ തലച്ചോറിൻ്റെ ആരോഗ്യം മെച്ചപ്പെടുത്തും.

30-കളില്‍: സമീകൃതാഹാരം നിലനിർത്തുന്നതിനൊപ്പം ബെറിപ്പഴങ്ങള്‍, ഡാർക്ക് ചോക്ലേറ്റ്, ഗ്രീൻ ടീ പോലുള്ളവ ഡയറ്റില്‍

ചേര്‍ക്കുന്നത് തലച്ചോറിന്‍റെ ആരോഗ്യം മെച്ചപ്പെടുത്തും.

40-കളില്‍: സംസ്കരിച്ച ഭക്ഷണങ്ങളുടെയും പഞ്ചസാരയുടെയും അമിത ഉപയോഗം ഒഴിവാക്കുക. പോഷക സമൃദ്ധമായ ഭക്ഷണം കഴിക്കുന്നതില്‍ ശ്രദ്ധിക്കുക.

20-കളിൽ: പുതിയ കഴിവുകൾ, ഹോബികൾ, വിദ്യാഭ്യാസ പ്രവർത്തനങ്ങൾ എന്നിവയിലൂടെ തലച്ചോറിനെ കൂടുതൽ സജീവമാക്കാൻ സാധിക്കും. പുതിയ ഭാഷ, സം​ഗീതോപകരണം, നൃത്തം തുടങ്ങിയവ പഠിക്കുന്നത് പരി​ഗണിക്കുക.

30-കളിൽ: പസിലുകൾ, വായന, പ്രശ്നപരിഹാരം തുടങ്ങിയവയിലൂടെ തലച്ചോറിന്റെ പ്രവർത്തനത്തെ സജീവമാക്കുക. സംഭാഷണങ്ങളും സംവാദങ്ങളും തലച്ചോറിനെ ആരോ​ഗ്യകരമായി സജീവമാക്കാൻ സഹായിക്കും.

40-കളിൽ: പുതിയ ഹോബികൾ ഏറ്റെടുത്ത്, വർക്ക്ഷോപ്പുകളിൽ പങ്കെടുത്ത് അല്ലെങ്കിൽ തുടർ വിദ്യാഭ്യാസത്തിൽ പങ്കെടുത്ത് തലച്ചോറിനെ സജീവമാക്കാം.

20-കളിൽ: മാനസിക സമ്മർദം നിയന്ത്രിക്കുന്നതിന് മെഡിറ്റേഷൻ, ശ്വസന വ്യായാമങ്ങൾ, ശാരീരികമായി സജീവമാവുക തുടങ്ങിയ ആരോ​ഗ്യകരമായ രീതികൾ വികസിപ്പിച്ചെടുക്കുക.

30-കളിൽ: മെഡിറ്റേഷൻ, ജേണലിം​ഗ്, പ്രകൃതിയോടൊപ്പം സമയം ചെലവഴിക്കൽ തുടങ്ങിയ സ്ട്രെസ് മാനേജ്മെന്റ് ടെക്നിക്കുകൾ പരിശീലിക്കുക.

40-കളിൽ: സ്വയം പരിചരണത്തിന് മുൻഗണന നൽകുക. സന്തോഷവും വിശ്രമവും നൽകുന്ന ശീലങ്ങളിലും പ്രവർത്തനങ്ങളിലും ഏർപ്പെടുക. സമ്മർദം പരിധിവിട്ടാൽ വൈദ്യസഹായം തേടണം.

20- കളില്‍: ഓരേ സമയം ഉറങ്ങാനും ഉണരാനും ശ്രമിക്കുക. കൂടാതെ ഏഴ് മുതല്‍ ഒന്‍പതു മണിക്കൂര്‍ വരെ ഉറക്കത്തിന്‍റെ സമയം ക്രമീകരിക്കുക.

30-കളില്‍: ഉറക്കത്തിന് മുന്‍പുള്ള സ്ക്രീന്‍ സമയം പരമാവധി കുറയ്ക്കുക. ഇരുണ്ടതും തണുത്തതുമായ ശാന്തമായ കിടപ്പുമുറി വിശ്രമിക്കാന്‍ തെരഞ്ഞെടുക്കുന്നത് മെച്ചപ്പെട്ട ഉറക്കം നല്‍കാന്‍ സഹായിക്കും.

40-കളില്‍: അത്താഴം ഉറങ്ങുന്നതിന് ഒന്നര മണിക്കൂര്‍ മുന്‍പ് തന്നെ കഴിക്കുക. ശരീരം ചൂടാകുന്നത് ഒഴിവാക്കാന്‍ ഉറങ്ങുന്നതിന് അഞ്ച് ആറ് മണിക്കൂര്‍ മുന്‍പ് വ്യായാമ സമയം ക്രമീകരിക്കുക. ഉറക്ക പ്രശ്നങ്ങള്‍ നിലനില്‍ക്കുന്നുണ്ടെങ്കില്‍ ഒരു ഹെല്‍ത്ത് കെയര്‍ പ്രൊഫഷണലിനെ സമീപിക്കുക.

20-കളില്‍: ശക്തമായ സാമൂഹിക ബന്ധങ്ങൾ കെട്ടിപ്പടുക്കുകയും പരിപാലിക്കുകയും ചെയ്യുക. സാമൂഹിക പ്രവർത്തനങ്ങളിലോ ക്ലബ്ബുകളിലോ ഗ്രൂപ്പ് ഇവൻ്റുകളിലോ ഏർപ്പെടുക.

30-കളില്‍: കുടുംബവുമായും സുഹൃത്തുക്കളുമായും ബന്ധം വളർത്തുക. കമ്മ്യൂണിറ്റി ഗ്രൂപ്പുകളിലോ സന്നദ്ധ സംഘടനകളിലോ ചേരുക.

40-കളില്‍: കമ്മ്യൂണിറ്റി പരിപാടികളിൽ പങ്കെടുത്തും സൗഹൃദങ്ങൾ നിലനിർത്തിയും പുതിയ സാമൂഹിക അവസരങ്ങൾ തേടിയും സാമൂഹികമായി സജീവമായിരിക്കുക.

20-കളില്‍: മദ്യപാനം പരിമിതപ്പെടുത്തുകയും മയക്കുമരുന്ന് ഉപയോഗം ഒഴിവാക്കുകയും വേണം.

30-കളില്‍: ദോഷകരമായ ലഹരി പദാര്‍ത്ഥങ്ങളില്‍ നിന്ന് ഒഴിഞ്ഞു നില്‍ക്കുക. ആരോഗ്യകരമായ ജീവിതശൈലി തിരഞ്ഞെടുക്കാം. പരിസ്ഥിതി വിഷവസ്തുക്കളുമായി സമ്പർക്കം പരിമിതപ്പെടുത്തുക.

4-കളില്‍: ലഹരി ഒഴിവാക്കിയുള്ള ജീവിതശൈലിക്ക് മുൻഗണന നൽകുക.

20-കളില്‍: വര്‍ഷത്തിലൊരിക്കലെങ്കിലും ആരോഗ്യ പരിശോധന നടത്തുക. ഹെല്‍ത്ത് കെയര്‍ പ്രൊവൈഡറുമായി കൃത്യമായ ഇടവേളയില്‍ ബന്ധപ്പെട്ട് ആരോഗ്യം നിരീക്ഷികക്ുകയും ആശങ്കകള്‍ പരിഹരിക്കുകയും വേണം.

30-കളില്‍: പതിവ് ആരോഗ്യ പരിശോധനകൾ തുടരുന്നതിനൊപ്പം വിട്ടുമാറാത്ത ആരോഗ്യ പ്രശ്നങ്ങള്‍ അഭിമുഖീകരിക്കുന്നുണ്ടെങ്കില്‍ കൃത്യമായി ചികിത്സ തേടുകയും വേണം.

40-കളില്‍: ആരോഗ്യ പരിശോധനകൾക്കും സ്ക്രീനിങ്ങുകൾക്കും മുന്‍ഗണന നല്‍കുക.