തുമ്പിക്കൈ നീട്ടി കുഞ്ഞിക്കൈകളിലേക്ക് ഷൂ മടക്കി നൽകി, 'മൃ​ഗങ്ങൾ മനുഷ്യത്വം കാണിക്കുന്നു, മനുഷ്യർ കാടത്തവും'; വിഡിയോ

സോഷ്യൽ മീഡിയയുടെ മനം കവർന്ന് 25കാരനായ ഷാന്‍ മായ് എന്ന കാട്ടാന. ചൈനയിലെ ഷാന്‍ഡോഗ് മൃ​ഗശാലയിൽ നിന്നുള്ള ആനയുടെ വിഡിയോയാണ് ഇപ്പോൾ വൈറലാകുന്നത്. കാലിനടിയില്‍ പെട്ട ഒരു കുഞ്ഞു ഷൂ തുമ്പിക്കൈ കൊണ്ട് എടുത്തു ഇരുമ്പു വേലിക്കപ്പുറത്തു നിന്ന് നീളുന്ന കുഞ്ഞി കൈകളിലേക്ക് വച്ചു നീട്ടുന്നതാണ് വിഡിയോ. 

ഐഎഫ്എസ് ഉദ്യോഗസ്ഥന്‍ സുശാന്ത നന്ദ എക്‌സ് പ്ലാറ്റ്‌ഫോമിലൂടെ പങ്കുവെച്ച വിഡിയോ ചുരുങ്ങിയ നേരം കൊണ്ട് സോഷ്യയില്‍ മീഡിയയെ കയ്യിലെടുത്തു.
'അവന്‍ മെരുങ്ങിയിരിക്കുന്നു, അവന്റെ അനുകമ്പയിൽ നിന്നല്ല. അബദ്ധത്തില്‍ താഴെ വീണ ഷൂ കുട്ടിക്ക് തിരികെ നല്‍കുന്നു. കാടിനെ കൂട്ടില്‍ നിന്നും സ്വതന്ത്രമാക്കൂ' എന്ന കുറിപ്പോടെയാണ് അദ്ദേഹം വിഡിയോ പങ്കുവെച്ചിരിക്കുന്നത്. സോഷ്യൽ മീഡിയയിൽ ഒരു ചർച്ചയ്‌ക്ക് തന്നെ വഴി വെച്ചിരിക്കുകയാണ്.

നിരവധി ആളുകളാണ് വിഡിയോയ്‌ക്ക് താഴെ കമന്റുമായി എത്തിയത്. 'മനുഷ്യരും മൃഗങ്ങളും തമ്മില്‍ സ്ഥാനങ്ങള്‍ മാറാന്‍ സമയമായി. ഈ വിഡിയോയില്‍ ഉള്ളത് മനുഷ്യത്വമാണ് എന്നാല്‍ ഇപ്പോള്‍ മനുഷ്യന്റെത് കാടത്ത സ്വഭാവമാണെന്നുമായിരുന്നു ഒരാളുടെ കമന്റ്. മൃഗങ്ങളെ കൂട്ടില്‍ നിന്നും സ്വതന്ത്രരാക്കണം എന്നായിരുന്നു മറ്റു ചിലരുടെ അഭിപ്രായം.
 

ഈ വാര്‍ത്ത കൂടി വായിക്കൂ 

ഗണപതിയെ ഒരുക്കാന്‍ വറപൊരികള്‍! ചിപ്‌സ് കൊണ്ടലങ്കരിച്ച വിഗ്രഹം; കൗതുകമായി വിഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ