ജീവിതത്തില്‍ നിരവധി റിയല്‍- ലൈഫ് ഹീറോകളെ കണ്ടുകാണും. ചെറിയ വിഷമം വന്നാല്‍ പോലും മാനസികമായി തകര്‍ന്നുപോകുന്നവരാണ് നല്ലൊരു ശതമാനം ആളുകളും. ഇപ്പോള്‍ ജീവിതത്തില്‍ മുന്നേറണമെന്ന ആഗ്രഹം കൊണ്ട് പരിമിതികളെ മറികടന്ന് അതിജീവന പാത വെട്ടിയൊരുക്കിയ ഫുഡ് ഡെലിവറി ഏജന്റിന്റെ ദൃശ്യങ്ങളാണ് വൈറലാകുന്നത്.

ഭിന്നശേഷിക്കാരനായ സൊമാറ്റോ ഏജന്റാണ് ആ റിയല്‍- ലൈഫ് ഹീറോ. ഭക്ഷണ ഓര്‍ഡറുകള്‍ ഡെലിവറി ചെയ്യാന്‍ സ്‌കൂട്ടറില്‍ പോകുന്ന യുവാവിന്റെ ദൃശ്യങ്ങളാണ് വൈറലായത്. രണ്ട് കൈകളും നഷ്ടപ്പെട്ടിട്ടും മനഃക്കരുത്തോടെ ഇരുചക്ര വാഹനം ഓടിക്കുന്ന ഡെലിവറി ഏജന്റ് ആണ് എല്ലാവര്‍ക്കും പ്രചോദനമാകുന്നത്.

ക്യാന്‍വാസില്‍ നിറങ്ങളുടെ മായാജാലം സൃഷ്ടിച്ച് മൂന്ന് വയസ്സുകാരൻ; ലോകശ്രദ്ധ നേടി ജർമനിയുടെ 'മിനി പിക്കാസോ'

വിഡിയോ ,സോഷ്യല്‍മീഡിയയില്‍ വൈറലായതോടെ, യുവാവിന് ആശംസാപ്രവാഹമാണ്. ഇതാണ് റിയല്‍ ഹീറോ എന്ന തരത്തില്‍ നിരവധി കമന്റുകളാണ് പ്രത്യക്ഷപ്പെട്ടത്. 'എല്ലാ പ്രതിബന്ധങ്ങളെയും വെല്ലുവിളിച്ച നായകനെ ദൈവം അനുഗ്രഹിക്കട്ടെ. യഥാര്‍ത്ഥ ഹീറോ. നിങ്ങള്‍ക്ക് സല്യൂട്ട്,'- എന്നതാണ് ഒരു കമന്റിലെ വാചകം.