എലിയെ പിടിക്കാനെത്തി ട്രെഡ്മില്ലിൽ കുടുങ്ങി കൂറ്റൻ മൂർഖൻ പാമ്പ്, വിഡിയോ 

ട്രെഡ്മില്ലിൽ നിന്ന് കൂറ്റൻ മൂർഖൻ പാമ്പിനെ രക്ഷിക്കുന്ന വിഡിയോയാണ് സോഷ്യൽ മീഡിയയിൽ വൈറലാകുന്നത്. എലിയെ പിടിക്കാനെത്തിയപ്പോഴാണ് വീടിനു സമീപത്തു വച്ചിരുന്ന പഴയ ട്രെഡ്മില്ലിൽ മൂർഖൻ അകപ്പെട്ടത്. രക്ഷപെടാനായി ഓടിയ എലിയുടെ പിന്നാലെ പാഞ്ഞ മൂർഖൻ ഒടുവിൽ കുരുങ്ങി.

മധ്യ തായ്‌ലൻഡിലെ ആങ് തോങ്ങ് എന്ന സ്ഥലത്താണ് സംഭവം. മുറ്റത്ത് നിന്നിരുന്ന വീട്ടുടമസ്ഥനാണ് എലിയുടെയും പാമ്പിന്റെയും ദൃശ്യങ്ങൾ കാമറയിൽ പകർത്തിയത്. വലിയ പാമ്പിനെ കണ്ട് ഭയന്ന വീട്ടുടമസ്ഥൻ പാമ്പ് പിടുത്തക്കാരെ വിവരമറിയിച്ചു. ഇവരെത്തിയാണ് പാമ്പിനെ ട്രെഡ്മില്ലിനിടയിൽ നിന്നും നീക്കിയത്. പാമ്പിനെ സുരക്ഷിതമായി വനപ്രദേശത്ത് തുറന്നുവിടുകയും ചെയ്തു.