തെന്നിന്ത്യൻ യുവ സംവിധായകൻ സുജീത്ത് വിവാഹിതനാകുന്നു. പ്രഭാസ് പ്രധാനവേഷത്തിലെത്തിയ സാഹോ എന്ന ചിത്രത്തിലൂടെ ശ്രദ്ധേയനായ സംവിധായകനാണ് സുജീത്ത്. പ്രവാളികയാണ് വധു. കഴിഞ്ഞ ദിവസം ഹെെദരാബാദിൽ വച്ച് ഇരുവരുടെയും വിവാഹനിശ്ചയം കഴിഞ്ഞു.

ദന്തഡോക്ടറാണ് പ്രവാളിക. ഇരുവരും ഹെെദരാബാദ് സ്വദേശികളാണ്. കോവിഡ് പശ്ചാത്തലത്തിൽ അടുത്ത കുടുംബാംഗങ്ങൾ മാത്രം പങ്കെടുത്ത് വളരെ ലളിതമായാണ് നിശ്ചയ ചടങ്ങുകൾ നടന്നത്.

2014 ൽ ഷർവാനന്ദിനെ നായകനാക്കി ഒരുക്കിയ റൺ രാജ റൺ എന്ന ചിത്രത്തിലൂടെയാണ് സുജീത്ത് സംവിധാനരം​ഗത്ത് അരങ്ങേറ്റം കുറിച്ചത്. ചിരഞ്ജീവി പ്രധാനകഥാപാത്രത്തെ അവതരിപ്പിക്കുന്ന ഒരു ചിത്രമാണ് ഇപ്പോൾ സംവിധാനം ചെയ്തുകൊണ്ടിരിക്കുന്നത്.