Delhi Protest: യൂത്ത് കോണ്‍ഗ്രസ്, എൻഎസ്‌യുഐ പ്രവർത്തകർ കസ്റ്റഡിയിൽ

ഡൽഹി പ്രക്ഷോഭങ്ങളെ തുടർന്ന് മെട്രോ ട്രെയിൻ സർവീസ് റദ്ദാക്കുകയോ വെട്ടിച്ചുരുക്കുകയോ ചെയ്തിട്ടില്ലെന്ന് ഡിഎംആർസി. സുപ്രീംകോടതിയിലാണ് ഡിഎംആർസി ഇക്കാര്യം അറിയിച്ചത്, 85 ശതമാനം മെട്രോ സ്റ്റേഷനുകളും സാധാരണ പോലെ പ്രവർത്തിച്ചിരുന്നതായും ഡിഎംആർസി

പാർലമെൻറ് സ്ട്രീറ്റ് പൊലീസ് സ്റ്റേഷനു മുന്നിൽ പ്രതിഷേധം നടത്തിയ യൂത്ത് കോണ്‍ഗ്രസ്,എൻഎസ്‌യുഐ പ്രവർത്തകരെ പൊലീസ് കസ്റ്റഡിയിലെടുത്തു

സൻസദ് മാർഗിൽ മാർച്ച് തടഞ്ഞ് പൊലീസ്. പൊലീസുമായി ഉന്തും തള്ളും

പ്രതിഷേധവുമായി രംഗതെത്തിയ എസ്എഫ്ഐ - ഡിവൈഎഫ്ഐ പ്രവർത്തകരെ പൊലീസ് കസ്റ്റഡിയിലെടുത്തു. എഎ റഹീം എംപി അടങ്ങുന്ന നേതാക്കളെയാണ് കസ്റ്റഡിയിലെടുത്തിട്ടുള്ളത്.

എസ്ഐആറിനും ഗ്യാനേഷ് കുമാറിനുമെതിരെ പ്രതിപക്ഷ നേതാവ് രാഹുൽ ഗാന്ധി സമർപ്പിച്ച ഹർജി സുപ്രീംകോടതി ഈ മാസം 26ന് പരിഗണിച്ചേക്കും. കോടതി വെബ്‌സൈറ്റിലാണ് ഇതുസംബന്ധിച്ച സൂചനയുള്ളത്. എന്നാൽ ഇത് കംപ്യൂട്ടർ മുഖേന ലിസ്റ്റ് ചെയ്ത ദിവസമായതിനാൽ മാറ്റത്തിനും സാധ്യതയുണ്ട്.

ഗ്യാനേഷ് കുമാറിൻറെ രാജി ആവശ്യപ്പെട്ട് എസ്എഫ്ഐ, ഡിവൈഎഫ്ഐ പ്രതിഷേധം. പൊലീസുമായി ഉന്തും തള്ളും

ഡൽഹിയിലെ പ്രതിഷേധങ്ങൾക്കിടെ പൊലീസ് ക്രൂരമായി മർദിച്ചെന്ന് വിദ്യാർഥികൾ. രാഹുൽ ഗാന്ധിക്കൊപ്പം മാധ്യമങ്ങളെ കാണുകയായിരുന്നു അവർ. ഭയം തോന്നിയോ എന്ന രാഹുലിൻറെ ചോദ്യത്തിന് ഇല്ലെന്നായിരുന്നു വിദ്യാർഥികളുടെ മറുപടി.

സിജെപി നേതാക്കളെ ജയിലിലടച്ച പൊലീസ് നടപടി പരിഹാസ്യമാണെന്ന് എഎപി നേതാവ് അരവിന്ദ് കേജ്‌രിവാൾ. സ്വന്തം നാട്ടിൽ ദേശീയ പതാക ഉയർത്തുന്നത് കുറ്റകരമാണോയെന്നും അദ്ദേഹം ചോദിച്ചു.

എസ്ഐആറിലെ ക്രമക്കേട് ചൂണ്ടിക്കാട്ടി എഐഎംഐഎം നേതാവ് അസദുദ്ദീന്‍ ഒവൈസി സുപ്രീംകോടതിയെ സമീപിച്ചു. പ്രതിപക്ഷ നേതാവ് രാഹുൽ ഗാന്ധി അടക്കം നൽകിയ സമാന സ്വഭാവനുള്ള ഹർജികൾക്കൊപ്പമാകും ഇതും പരിഗണിക്കുക

സിജെപി എഎപിയുടെ ബി ടീം ആണെന്ന് ഡൽഹി മുഖ്യമന്ത്രി രേഖ ഗുപ്ത. പഞ്ചാബിൽ സമരം നടത്താൻ സിജെപി ഒരുക്കമാണോയെന്നും ഡൽഹി മുഖ്യമന്ത്രി

എസ്ഐആറിലൂടെ എത്ര നുഴഞ്ഞുകയറ്റക്കാരെ കണ്ടെത്തി നാടുകടത്തിയെന്ന് വ്യക്തമാക്കണമെന്ന് ജയ്റാം രമേഷ്

ജന്തർ മന്തറിൽ അതിക്രമിച്ചു കയറിയെന്നാരോപിച്ച് സിജെപി നേതാക്കളെ അറസ്റ്റ് ചെയ്ത് ജയിലിലയച്ച സംഭവത്തിൽ വിമർശനവുമായി ലോക്സഭ പ്രതിപക്ഷ നേതാവ് രാഹുൽ ഗാന്ധി. ജന്തർ മന്തറിൽ സമാധാനപരമായി ത്രിവർണ പതാക ഉയർത്തുന്നത് ഒരു കുറ്റമല്ല. അതിന്റെ പേരിൽ യുവജനങ്ങളെ ജയിലിൽ അടയ്ക്കുന്നത് ഭീരുത്വമാണെന്ന് എക്സിൽ പോസ്റ്റ് ചെയ്ത കുറിപ്പിൽ രാഹുൽ