സൂര്യയ്ക്കൊപ്പം അഭിനയിക്കാൻ വളരെ ബുദ്ധിമുട്ടാണ്, കാർത്തിക്കൊപ്പമാണെങ്കിൽ...; വൈറലായി ജ്യോതികയുടെ വാക്കുകൾ

തമിഴ് സിനിമാ പ്രേക്ഷകർക്കിടയിൽ മാത്രമല്ല മലയാളികൾക്കിടയിലും നിരവധി ആരാധകരുള്ള താരങ്ങളാണ് സൂര്യയും ജ്യോതികയും കാർത്തിയും. ഒട്ടേറെ സിനിമകളിൽ സൂര്യയും ജ്യോതികയും ഒന്നിച്ചഭിനയിച്ചിട്ടുണ്ട്. ജീത്തു ജോസഫ് സംവിധാനം ചെയ്ത് 2019 ൽ പുറത്തിറങ്ങിയ തമ്പി എന്ന ചിത്രത്തിൽ സൂര്യയുടെ സഹോദരൻ കാർത്തിക്കൊപ്പവും ജ്യോതിക അഭിനയിച്ചു.

മികച്ച പ്രേക്ഷക സ്വീകാര്യത നേടിയ ചിത്രം കൂടിയായിരുന്നു തമ്പി. മുൻപ് ഒരഭിമുഖത്തിൽ സൂര്യയ്ക്കും കാർത്തിയ്ക്കുമൊപ്പം അഭിനയിച്ചതിന്റെ അനുഭവം ജ്യോതിക പങ്കുവച്ചിരുന്നു. ഇപ്പോഴിതാ ജ്യോതികയുടെ 46-ാം പിറന്നാൾ ദിനത്തിൽ ആ അഭിമുഖം വീണ്ടും സോഷ്യൽ മീഡിയയിൽ വൈറലായി മാറിയിരിക്കുകയാണ്.

സൂര്യ, കാർത്തി ഇവരിൽ ആർക്കൊപ്പം അഭിനയിക്കുന്നതാണ് ബുദ്ധിമുട്ടെന്നായിരുന്നു ജ്യോതികയോടുള്ള ചോദ്യം. 'സൂര്യയ്ക്കൊപ്പം തന്നെ. സൂര്യയ്ക്കൊപ്പം അഭിനയിക്കുന്നത് വളരെ ബുദ്ധിമുട്ടാണ്. സെറ്റിൽ വച്ച് ധാരാളം വഴക്കുണ്ടാവും, നമ്മുടെ വീട്ടിൽ വഴക്കുണ്ടാകുന്നതു പോലെയായിരിക്കും.'

കോടതിമുറിയിലെ പോരാട്ടം; സി ശങ്കരൻ നായരുടെ ജീവിതം ബി​ഗ് സ്ക്രീനിലേക്ക്, അക്ഷയ് കുമാറിനൊപ്പം മാധവനും പ്രധാന വേഷത്തിൽ

കാർത്തിയ്ക്കൊപ്പം അഭിനയിക്കുന്നത് വളരെ സ്മൂത്ത് ആണെന്നും ജ്യോതിക പറഞ്ഞു. കങ്കുവയാണ് സൂര്യയുടേതായി റിലീസിനൊരുങ്ങുന്ന ചിത്രം. താരത്തിന്റെ കരിയറിലെ തന്നെയുള്ള ബി​ഗ് ബജറ്റ് ചിത്രങ്ങളിലൊന്നാണ് കങ്കുവ. മെയ്യഴകൻ എന്ന ചിത്രമാണ് കാർത്തിയുടേതായി ഒടുവിൽ തിയറ്ററുകളിലെത്തിയ ചിത്രം.