ഹിന്ദി സീരിയല്‍ നടി ദിവ്യ ഭട്ട്‌നാഗറിന് കോവിഡ് സ്ഥിരീകരിച്ചു. ആരോഗ്യനില ഗുരുതരാവസ്ഥയിലായതിനെത്തുടര്‍ന്ന് നടിയെ വെന്റിലേറ്ററില്‍ പ്രവേശിപ്പിച്ചു. 

ന്യൂമോണിയ ബാധിതയായിരുന്ന ദിവ്യയെ നില വഷളായതിനെത്തുടര്‍ന്ന് ആശുപത്രിയില്‍ പ്രവേശിപ്പിക്കുകയായിരുന്നു. ഇതിനുപിന്നാലെ നടിയുടെ അമ്മയും സഹോദരനും ഡല്‍ഹിയില്‍ നിന്ന് മുംബൈയിലെ ആശുപത്രിയിലേക്കെത്തി. ദിവ്യയുടെ നില മോശമാണെന്നും വെന്റിലേറ്ററിലാണെന്നും അമ്മ മാധ്യമങ്ങളോട് പറഞ്ഞു. 

കഴിഞ്ഞ വര്‍ഷം ഡിസംബറില്‍ വിവാഹനിശ്ചയം നടന്നെങ്കിലും ആ ബന്ധം വിവാഹത്തിലേക്ക് എത്താതിരുന്നതിന്റെ വിഷമത്തിലായിരുന്നു ദിവ്യയെന്നും ഇപ്പോള്‍ നടി തനിച്ചാണ് താമസിക്കുന്നതെന്നും അമ്മ പറഞ്ഞു. തേരാ യാര്‍ ഹൂ മേ എന്ന സീരീയലിലാണ് നടി ഇപ്പോള്‍ അഭിനയിക്കുന്നത്. പ്രശസ്ത സീരിയലായ യേ രിസ്താ ക്യാ കെഹ്ലാത്താ ഹേയിലൂടെയാണ് ദിവ്യ ശ്രദ്ധനേടിയത്.