'ക്യാപ്റ്റന്‍ രാജുവിന്റെ പഴയകാല രൂപസാദൃശ്യമുള്ള ആളാണോ? എങ്കിൽ നിങ്ങളെ ഞങ്ങൾ എടുത്തിരിക്കും'

നടന്‍ ക്യാപ്റ്റന്‍ രാജുവിന്റെ പഴയകാല രൂപവുമായി സാദൃശ്യമുള്ള അഭിനേതാക്കളെ തേടി കാസ്റ്റിങ് കോൾ. നടൻ സുരേഷ് ​ഗോപിയാണ് കാസ്റ്റിങ് വിവരങ്ങൾ പങ്കുവച്ചത്. സുരേഷ് ​ഗോപിയുടെ 253-ാമത് ചിത്രത്തിലേക്കാണ് ക്ഷണം. 

പ്രശസ്ത നടന്‍ ക്യാപ്റ്റന്‍ രാജുവിന്റെ പഴയകാല രൂപസാദൃശ്യമുള്ള ആളാണോ നിങ്ങള്‍? എങ്കിൽ നിങ്ങളെ ഞങ്ങൾ എടുത്തിരിക്കും. ബയോഡാറ്റയും ഫോട്ടോയും 2022 ഏപ്രില്‍ 20ന് മുന്‍പായി 9074112427 എന്ന നമ്പറിലേക്ക് അയക്കാനാണ് പറഞ്ഞിരിക്കുന്നത്. 

മലയാളത്തിലെ എക്കാലത്തെയും ഹിറ്റ് ചിത്രമായ പത്രത്തിന്റെ രണ്ടാം ഭാ​ഗം ആണ് സുരേഷ് ​ഗോപിയുടെ 253-ാം ചിത്രമെന്നാണ് ആരാധകരുടെ പ്രവചനം. എന്നാൽ ഇതേക്കുറിച്ച് ഔദ്യോ​ഗിക സ്ഥിരീകരണം ഉണ്ടായിട്ടില്ല. ജിബു ജേക്കബ് ആണ് ചിത്രം സംവിധാനം ചെയ്യുന്നത്. 

ഈ വാർത്ത വായിക്കാം: ആലിയ - രണ്‍ബീര്‍ വിവാഹം വരുന്ന വ്യാഴാഴ്ച; സ്ഥിരീകരിച്ച് കുടുംബം, ഒരുക്കം തുടങ്ങി 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്.

ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ