കുതിരപ്പുറത്ത് വാളേന്തി ധനുഷ്, കർണൻ ടീസർ

മികച്ച നടനുള്ള ദേശിയ അവാർഡ് സ്വന്തമാക്കിയതിന് പിന്നാലെ ധനുഷിന്റെ പുതിയ ചിത്രം കർണന്റെ ടീസർ പുറത്ത്. ആരാധകർ വളരെ പ്രതീക്ഷയോടെ കാത്തിരിക്കുന്ന ചിത്രമാണ് കർണൻ. ആകാംക്ഷ നിറക്കുന്നതാണ് ടീസർ. 

മികച്ച വിജയമായി മാറിയ പരിയേറും പെരുമാളിനു ശേഷം മാരി സെൽവരാജ് ഒരുക്കുന്ന ചിത്രമാണിത്. പരിയേറും പെരുമാളുമാൾ പോലെ വ്യക്തമായി രാക്ഷ്ട്രീയം പറയുന്ന ചിത്രമായിരിക്കും ഇതെന്നാണ് വിലയിരുത്തപ്പെടുന്നത്. 

രജിഷ വിജയൻ ആണ് നായിക. മലയാളിതാരം ലാലും പ്രധാനവേഷത്തിൽ എത്തുന്നു. സംഗീതം സന്തോഷ് നാരായണൻ. തേനി ഈശ്വരാണ് ഛായാഗ്രഹണം. ചിത്രം ഏപ്രിൽ ഒൻപതിനു റിലീസ് ചെയ്യും.