'ഇവനെ കൈയോടെ പിടി കൂടിയിട്ടുണ്ട്, എന്ത് ചെയ്യണം?'; ശ്യാം മോഹനൊപ്പമുള്ള ചിത്രവുമായി ജി വേണു​ഗോപാൽ 

കഴിഞ്ഞ കുറച്ചു നാളുകളായി ഒരാളെ കയ്യിൽ കിട്ടാനുള്ള കാത്തിരിപ്പിലായിരുന്നു ​ഗായകൻ ജി വേണു​ഗോപാൽ. കഴിഞ്ഞ ദിവസം അയാളെ കണ്ടുകിട്ടി. ആരാണ് ആള് എന്നല്ലേ നിങ്ങൾ ചിന്തിക്കുന്നത്. വെബ് സീരീസുകളിലൂടെ ശ്രദ്ധേയനായ നടൻ ശ്യാം മോഹൻ. ശ്യാമിനൊപ്പമുള്ള ചിത്രം പങ്കുവച്ചുകൊണ്ടുള്ള വേണു​ഗോപാലിന്റെ പോസ്റ്റാണ് ഇപ്പോൾ ശ്രദ്ധ നേടുന്നത്. 

'ഇവനെ കൈയോടെ പിടി കൂടിയിട്ടുണ്ട്. എന്ത് ചെയ്യണം? നിങ്ങൾ പറയൂ.'- എന്ന അടിക്കുറിപ്പിലാണ് വേണു​ഗോപാൽ കുറിച്ചത്. സോഷ്യൽ മീഡിയയിൽ ഏറെ ശ്രദ്ധേയനായ ശ്യാം മോഹൻ ഒരു ​ഗായകൻ കൂടിയാണ്. വ്യത്യസ്ത ​ഗാനങ്ങൾ കോർത്തിണക്കിക്കൊണ്ട് ശ്യം പാടുന്ന പാട്ടുകൾ സോഷ്യൽ മീഡിയയിൽ വൈറലാവാറുണ്ട്. തമാശ നിറച്ച് വളരെ രസകരമായാണ് ശ്യാം ​ഗാനം ആലപിക്കാറുള്ളത്. 

‘തൂവാനത്തുമ്പികളി’ലെ ‘ഒന്നാം രാഗം പാടി’ എന്ന ​ഗാനം പാടുന്ന ശ്യാമിന്റെ വിഡിയോ വൈറലായിരുന്നു. ഇതിന്റെ വിഡിയോ വേണു​ഗോപാൽ പങ്കുവച്ചിരുന്നു. "എജ്ജാതി ഫ്യൂഷൻ! വിളിപ്പുറത്തൊരു വെള്ളിയും!ഇവനെ വഴിയിലെവിടെയെങ്കിലും കിട്ടിയാൽ ജീവനോടെ പിടിച്ചു കൊണ്ടു വരണേ... കുറച്ച് പാഠങ്ങൾ പഠിപ്പി..... ഛേ.... പഠിക്കാനാ" എന്നായിരുന്നു അന്ന് കുറിച്ചത്. വേണു​ഗോപാൽ ആ​ഗ്രഹിച്ചപോലെ ആളെ ഇപ്പോൾ കയ്യിൽ കിട്ടിയിട്ടുണ്ട്. രസകരമായ നിരവധി കമന്റുകളാണ് വേണു​ഗോപാലിന്റെ പോസ്റ്റിനു താഴെ വരുന്നത്. അങ്ങനെ അത് സംഭവിച്ചു എന്ന പേരില്‍ ശ്യാംമോഹനും ജി വേണുഗോപാലിനൊപ്പം ഉള്ള പോസ്റ്റ് ഫേസ്ബുക്കില്‍ ഇട്ടിട്ടുണ്ട്. 

ഈ വാർത്ത കൂടി വായിക്കാം

ഗാനമേളക്കിടെ കുഴഞ്ഞുവീണു; ഗായകൻ ഇടവ ബഷീർ അന്തരിച്ചു 

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ