ധനുഷിന്റെ ഹോളിവുഡ് ലുക്ക്, ദ് ​​ഗ്രേ മാനിലെ ഫോട്ടോ പുറത്ത്; റിലീസ് ജൂലൈ 22ന്

തെന്നിന്ത്യൻ താരം ധനുഷ് ആദ്യമായി അഭിനയിക്കുന്ന ഹോളിവുഡ് ചിത്രം ​ഗ്രേ മാനിലെ ഫസ്റ്റ് ലുക്ക് പുറത്ത്. ആക്ഷൻ ലുക്കിലാണ് താരത്തെ കാണുന്നത്. ചോരയൊലിപ്പിച്ച് കാറിന് മുകളിൽ നിൽക്കുന്ന ധനുഷാണ് ചിത്രത്തിൽ. താരം തന്നെയാണ് ചിത്രം പങ്കുവച്ചത്. അവഞ്ചേർസ് സംവിധായകർ റൂസോ സഹോദരങ്ങൾ ഒരുക്കുന്ന ചിത്രം ആക്‌ഷൻ എന്റർടെയ്നറാണ്. 

വൻ താരനിരയിൽ ഒരുങ്ങുന്ന ചിത്രത്തിൽ പ്രധാന വേഷത്തിലാണ് ധനുഷ് എത്തുന്നത്. സൂപ്പർ താരങ്ങളായ ക്രിസ് ഇവാൻസിനും റയാൻ ഗോസ്ലിങിനും ചിത്രത്തിൽ അഭിനയിക്കുന്നുണ്ട്. നെറ്റ്ഫ്ളിക്സാണ് ചിത്രം നിർമിക്കുന്നത്. ജൂലൈ 22ന് നെറ്റ്ഫ്ലിക്സിലൂടെയാണ് ​ഗ്രേമാൻ റിലീസ് ചെയ്യുക. 

വാഗ്നർ മൗറ, ജെസീക്ക ഹെൻ‌വിക്, ജൂലിയ ബട്ടർ‌സ് എന്നിവരും ചിത്രത്തിന്റെ ഭാഗമാകും. 2009ൽ മാർക്ക് ഗ്രീനി എഴുതിയ ദ് ഗ്രേ മാൻ എന്ന നോവലിനെ അടിസ്ഥാനമാക്കിയാണ് ചിത്രം എടുത്തിക്കുന്നത്.  നെറ്റ്ഫ്ലിക്‌സിന്റെ ചരിത്രത്തിലെ ഏറ്റവും വലിയ ബജറ്റിൽ ഒരുങ്ങുന്ന ചിത്രമാണിത്. ധനുഷിന്റെ കഥാപാത്രത്തെക്കുറിച്ച് സൂചനകൾ ലഭിച്ചിട്ടില്ല. 

ഈ വാര്‍ത്ത കൂടി വായിക്കൂ

'പത്തു വയസുകാരിക്ക് അച്ഛനോടുള്ള സ്നേഹമാണത്, കുരുന്നുകളെ പോലും വെറുതെ വിടുന്നില്ല'

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ