രാജ്യത്തെ കർഷക പ്രക്ഷോഭം അന്താരാഷ്ട്ര തലത്തിൽ ശ്രദ്ധ നേടുകയാണ്. പോപ്പ് ​ഗായിക റഹാനയുടെ ട്വീറ്റിലൂടെയാണ് കൂടുതൽ പേരിലേക്ക് വിഷയം എത്തുന്നത്. തുടർന്ന് നിരവധി അന്താരാഷ്ട്ര താരങ്ങൾ കർഷകർക്ക് പിന്തുണയുമായി എത്തി. എന്നാൽ അതിനു പിന്നാലെ ഇന്ത്യ ഒറ്റക്കെട്ടാണെന്ന് പറഞ്ഞുകൊണ്ട് മുൻ ക്രിക്കറ്റ് താരം സച്ചിൻ ടെൻഡുൽക്കർ അടക്കമുള്ളവർ ട്വീറ്റ് ചെയ്തു. ഇപ്പോൾ സോഷ്യൽ മീഡിയയിൽ വൈറലാവുന്നത് നടി തപ്സി പന്നുവിന്റെ കുറിപ്പാണ്. 

ഇന്ത്യയുടെ ഐക്യത്തെക്കുറിച്ച് ട്വീറ്റ് ചെയ്യുന്നവർക്കുള്ള താരത്തിന്റെ മറുപടിയാണിത്. മറ്റുള്ളവരുടെ പ്രവർത്തികൾ നിങ്ങളെ ബുദ്ധിമുട്ടിക്കുന്നുണ്ടെങ്കിൽ അത് നിങ്ങളുടെ പ്രശ്നമാണ് എന്നാണ് താരം കുറിക്കുന്നത്.  "ഒരു ട്വീറ്റ്‌ നിങ്ങളുടെ ഒരുമയെ ഇളക്കിമറിച്ചെങ്കിൽ, ഒരു തമാശ നിങ്ങളുടെ വിശ്വാസത്തെ അലോസരപ്പെടുത്തിയെങ്കിൽ, ഒരു ഷോ നിങ്ങളുടെ മതവിശ്വാസത്തെ അലട്ടിയെങ്കിൽ മറ്റുള്ളവരുടെ ' പ്രൊപ്പഗാണ്ട ടീച്ചർ ' ആവാതെ നിങ്ങളുടെ മൂല്യങ്ങളെ ശക്തിപ്പെടുത്തേണ്ടത്‌ നിങ്ങളാണ് "- തപ്സി പന്നു കുറിച്ചു. 

കഴിഞ്ഞ ദിവസമാണ് അന്താരാഷ്ട്ര തലത്തിൽ കർഷക സമരം ചർച്ചയാവുന്നത്. അതിന് പിന്നാലെ രാജ്യത്തെ സിനിമ, കായിക മേഖലയിലെ നിരവധി പ്രമുഖരാണ് ഇന്ത്യ ടു​ഗതർ, ഇന്ത്യ എ​ഗയിനിസ്റ്റ് പ്രൊപ്പ​ഗാൻഡ എന്നീ ഹാഷ്ടാ​ഗുകളുമായി എത്തിയത്. അക്ഷയ് കുമാർ, വിരാട് കൊഹ് ലി, രഹാനെ, സൈന നെവാൾ തടങ്ങിയ നിരവധി പേരാണ് ട്വീറ്റുമായി എത്തിയത്.