ആർആർആർ, ജനതാ ഗാരേജ്...: ജൂനിയർ എൻടിആറിന്റെ അഞ്ച് സൂപ്പർഹിറ്റുകൾ
തെലുങ്കിലെ എല്ലാ റെക്കോര്‍ഡുകളും കീഴടക്കി ദേവര മുന്നേറുമോ എന്നറിയാനുള്ള കാത്തിരിപ്പിലാണ് സിനിമാ ലോകം
ജൂനിയര്‍ എന്‍ടിആര്‍ഫെയ്സ്ബുക്ക്
Edited by :Manju
Last Updated :27 സെപ്റ്റംബർ 2024, 2:22 pm IST
സൂപ്പര്‍താരവും ആന്ധ്രപ്രദേശ് മുന്‍ മുഖ്യമന്ത്രിയുമായ എന്‍ടിആറിന്റെ ചെറുമകന്‍ സിനിമയിലേക്ക് ചുവടുവെക്കുന്നത് ബാലതാരമായാണ്. വര്‍ഷങ്ങള്‍ക്കിപ്പുറം തെലുങ്ക് സിനിമയുടെ ആവേശമായി മാറിയിരിക്കുകയാണ് തരക് എന്ന ജൂനിയര്‍ എന്‍ടിആര്‍. താരത്തിന്റെ പുതിയ ചിത്രം ദേവരയെ വന്‍ ആവേശത്തോടെയാണ് ആരാധകര്‍ സ്വീകരിച്ചത്. തെലുങ്കിലെ എല്ലാ റെക്കോര്‍ഡുകളും കീഴടക്കി ചിത്രം മുന്നേറുമോ എന്നറിയാനുള്ള കാത്തിരിപ്പിലാണ് സിനിമാ ലോകം. ഏറ്റവും പണം വാരിയ ജൂനിയര്‍ എന്‍ടിആറിന്റെ അഞ്ച് സിനിമകള്‍ പരിചയപ്പെടാം.
1ആര്‍ആര്‍ആര്‍
ജൂനിയര്‍ എന്‍ടിആറിനേയും രാം ചരണിനേയും പ്രധാന കഥാപാത്രങ്ങളാക്കി എസ് എസ് രാജമൗലി സംവിധാനം ചെയ്ത ചിത്രം. കൊമാരം ഭീം എന്ന കഥാപാത്രത്തെയാണ് താരം അവതരിപ്പിച്ചത്. 2022 ല്‍ റിലീസ് ചെയ്ത ചിത്രം ഏറ്റവും കൂടുതല്‍ പണം വാരിയ സിനിമകളില്‍ ഒന്നാണ്. 1300 കോടി രൂപയാണ് ചിത്രം കളക്റ്റ് ചെയ്തത്. ഇതോടെ ഏറ്റവും പണം വാരിയ മൂന്നാമത്തെ ചിത്രമായാണ് ആര്‍ആര്‍ആര്‍ മാറിയത്.
2അരവിന്ദ സമേതാ വീര രാഘവ
2018ല്‍ തെലുങ്കില്‍ വന്‍ വിജയമായി മാറിയ ചിത്രം. ആക്ഷന്‍ ഡ്രാമ ചിത്രത്തില്‍ വീര രാഘവ റെഡ്ഡി എന്ന കഥാപാത്രമായാണ് എത്തിയത്. പൂജ ഹെഗ്‌ഡെ നായികയായി എത്തിയ ചിത്രത്തില്‍ ജഗപതി ബാബു പ്രധാന വേഷത്തിലെത്തി. 60 കോടി മുതല്‍ മുടക്കില്‍ ഒരുങ്ങിയ ചിത്രം 179 കോടിക്ക് മേലെയാണ് കളക്റ്റ് ചെയ്തത്.
3ജനത ഗാരേജ്
ജൂനിയര്‍ എന്‍ടിആറിനൊപ്പം മോഹന്‍ലാലും പ്രധാന വേഷത്തിലെത്തിയ ചിത്രം. ആക്ഷന്‍ ത്രില്ലറായായി ഒരുക്കിയ ചിത്രം 2016ലാണ് റിലീസ് ചെയ്തത്. 50 കോടി മുതല്‍ മുടക്കില്‍ ഒരുക്കിയ ചിത്രം 135 കോടിയില്‍ അധികമാണ് ബോക്‌സ് ഓഫിസില്‍ നിന്ന് കളക്റ്റ് ചെയ്തത്. ദേവരയുടെ സംവിധായകനായ കൊര്‍ട്ടാല ശിവയാണ് ചിത്രം ഒരുക്കിയത്.
4ജയ് ലവ കുശ
ജൂനിയര്‍ എന്‍ടിആര്‍ മൂന്ന് വേഷത്തിലെത്തിയ ചിത്രം. കെ എസ് രവീന്ദ്രയാണ് ചിത്രം സംവിധാനം ചെയ്തത്. ബോക്‌സ് ഓഫിസില്‍ മികച്ച വിജയമാണ് ചിത്രം സ്വന്തമാക്കിയത്. 45 കോടി ബജറ്റില്‍ ഒരുക്കിയ ചിത്രം 130 കോടിക്ക് മേലെയാണ് ആഗോള ബോക്‌സ് ഓഫിസില്‍ നിന്ന് സ്വന്തമാക്കിയത്.
5ടെമ്പര്‍
ജൂനിയര്‍ എന്‍ടിആറിനെ നായകനാക്കി പുരി ജഗന്നാഥ് സംവിധാനം ചെയ്ത ചിത്രം. പൊലീസ് ഉദ്യോഗസ്ഥന്റെ വേഷത്തിലാണ് ചിത്രത്തില്‍ ജൂനിയര്‍ എന്‍ടിആര്‍ എത്തിയത്. കാജല്‍ അഗര്‍വാള്‍, പ്രകാശ് രാജ് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചത്. 35 കോടി മുതല്‍ മുടക്കില്‍ ഒരുക്കിയ ചിത്രം 74 കോടിക്ക് മേലെ കളക്റ്റ് ചെയ്തു. ചിത്രം പിന്നീട് ഹിന്ദിയിലേക്കും തമിഴിലേക്കും റീമേക്ക് ചെയ്യപ്പെട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
Related topics
News Now
സിസിടിവി ദൃശ്യങ്ങൾ 18 മാസങ്ങൾ സൂക്ഷിക്കണമെന്നാണ് നിയമം
'ഉത്കണ്ഠയ്ക്കുള്ള മരുന്നുകള്‍ വീണ്ടും കഴിച്ചു തുടങ്ങി, ഏറ്റവും ബുദ്ധിമുട്ടേറിയ ആഴ്ചകള്‍'; കുറിപ്പുമായി അഞ്ജു ജോസഫ്
ഉറക്കം മുതൽ ഹൃദയാരോഗ്യം വരെ; ഗുണങ്ങൾ ഏറെയുള്ള 3 ഹെർബൽ ടീകൾ
വള്ളി നിറയെ കായ്ക്കും, പടവലം പറിച്ചു മടുക്കും; കൃഷി ചെയ്യുമ്പോള്‍ ഈ 7 കാര്യങ്ങള്‍ ശ്രദ്ധിക്കൂ
Related News
കൗണ്‍സിലര്‍ സ്ഥാനം രാജിവച്ച് ആര്‍ ശ്രീലേഖ; 'മലപ്പുറം മതമൗലിക വര്‍ഗീയവാദികളുടെ കൂട്'; ഇന്നത്തെ അഞ്ച് പ്രധാന വാര്‍ത്തകള്‍
'ഞാന്‍ ഒറ്റയ്ക്ക്; കെസിയുടെ പിന്തുണ തേടിയിട്ടില്ല'; എസ്ഐആര്‍ പൂര്‍ത്തിയായ 20 സംസ്ഥാനങ്ങളില്‍ സ്പെഷ്യല്‍ ഡ്രൈവ്; ഇന്നത്തെ അഞ്ച് പ്രധാന വാര്‍ത്തകള്‍
