'രോഗാണുവിനെ ശ്വസിക്കേണ്ടിവരുന്ന ഈ ദശാസന്ധിയേയും നാം മറികടക്കും', യോ​ഗ ദിനത്തിൽ മോഹൻലാൽ

ഇന്ന് അന്താരാഷ്ട്ര യോ​ഗ ദിനം ആഘോഷിക്കുകയാണ് ലോകം. ഇന്ത്യയിൽ മാത്രം ഒതുങ്ങിനിന്നിരുന്ന യോ​ഗയ്ക്ക് വലിയ അം​ഗീകാരമാണ് മറ്റു രാജ്യങ്ങളിലുള്ളത്. നിരവധി പേരുടെ ജീവിതത്തിന്റെ ഭാ​ഗം കൂടിയാണ് യോ​ഗ. ഇപ്പോൾ യോ​ഗ ദിനാശംസകളുമായി എത്തിയിരിക്കുകയാണ് നടൻ മോ​ഹൻലാൽ. രോഗാണുവിനെ ശ്വസിക്കേണ്ടിവരുന്ന ഈ ദശാസന്ധിയേയും നാം മറികടക്കുമെന്നാണ അദ്ദേഹം പറയുന്നത്. യോ​ഗ ചെയ്യുന്നതിന്റെ ചിത്രത്തിനൊപ്പമാണ് താരത്തിന്റെ കുറിപ്പ്. 

ഓരോ ശ്വാസത്തിലും നാം ഭാവിയെ അകത്തേക്കും ഭൂതത്തെ പുറത്തേക്കും വമിക്കുന്നുവെന്നാണ് പറയുക. രോഗാണുവിനെ ശ്വസിക്കേണ്ടിവരുന്ന ഈ ദശാസന്ധിയേയും നാം മറികടക്കും. നമുക്ക് മാസ്‌കോടു കൂടി തന്നെ പ്രത്യാശാപൂർവമായ ഭാവിയെ ശ്വസിച്ചും കെട്ടകാലത്തിൻ്റെ  ഭൂതാവശിഷ്ടങ്ങളെ നിശ്വസിച്ചും ഈ ലോക യോഗാ ദിനത്തിൽ സ്വയം പ്രകാശിക്കാം, മറ്റുള്ളവർക്ക് പ്രകാശമാകാം. ആശംസകൾ.- മോഹൻലാൽ കുറിച്ചു. 

കൂടാതെ ബോളിവുഡിലേയും മറ്റും നിരവധി സെലിബ്രിറ്റി കളാണ് യോ​ഗാദിന ആശംസകളുമായി എത്തിയിരിക്കുന്നത്. അമിതാഭ് ബച്ചൻ, സണ്ണി ലിയോണി, ആലിയ ഭട്ട്, സാറാ അലി ഖാൻ, സമീറ റെഡ്ഡി, അപർണ ബാലമുരളി, അനുശ്രീ തുടങ്ങിയവർ യോ​ഗ അഭ്യസിക്കുന്നതിന്റെ ചിത്രങ്ങൾ പങ്കുവെച്ചിട്ടുണ്ട്.