തെന്നിന്ത്യന്‍ സൂപ്പര്‍താരം നാഗാര്‍ജുനയുടെ ഹൈദരാബാദ് വിമാനത്താവളത്തില്‍ നിന്നുള്ള ഒരു വിഡിയോ സോഷ്യല്‍ മീഡിയയില്‍ വൈറലാവുകയാണ്. താരത്തിന്റെ അടുത്തേക്ക് എത്തിയ ആരാധകനെ സെക്യൂരിറ്റി ജീവനക്കാരന്‍ തള്ളിവീഴ്ത്തുന്നതാണ് വിഡിയോ. സംഭവം വലിയ ചര്‍ച്ചയായതിനു പിന്നാലെ ക്ഷമാപണവുമായി രംഗത്തെത്തിയിരിക്കുകയാണ് നാഗാര്‍ജുന.

വിഡിയോ പങ്കുവച്ചുകൊണ്ടായിരുന്നു താരത്തിന്റെ പ്രതികരണം. ഇതെന്റെ ശ്രദ്ധയില്‍പ്പെട്ടു. ഇത് നടക്കാന്‍ പാടില്ലാത്തതായിരുന്നു. ഞാന്‍ ആ ജെന്റില്‍മാനോട് മാപ്പ് പറയുന്നു. ഭാവിയില്‍ ഇത്തരം കാര്യങ്ങള്‍ സംഭവിക്കാതിരിക്കാന്‍ ശ്രദ്ധിക്കാം.- എന്നാണ് നാഗാര്‍ജു കുറിച്ചത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

കഴിഞ്ഞ ദിവസം ഹൈദരാബാദ് വിമാനത്താവളത്തിലാണ് സംഭവമുണ്ടായത്. നാഗാര്‍ജുനയും ധനുഷും സുരക്ഷാ ഉദ്യോഗസ്ഥരുടെ ഉടമ്പടിയില്‍ പുറത്തേക്ക് വരികയായിരുന്നു. അതിനിടെ വിമാനത്താവളത്തിലെ കടയിലെ ജീവനക്കാരന്‍ താരത്തിന്റെ അടുത്തേക്ക് വരികയായിരുന്നു. ഇത് കണ്ട് സുരക്ഷാ ഉദ്യോഗസ്ഥന്റെ ഇയാളെ ശക്തിയായി പിടിച്ചുതള്ളി. ഇതിന്റെ ആഘാതത്തില്‍ അദ്ദേഹം വീണുപോവുകയായിരുന്നു. തൊട്ടടുത്ത് നിന്നിരുന്ന മറ്റൊരാളുടെ സഹായത്തിലാണ് അദ്ദേഹം എഴുന്നേറ്റത്. എന്നാല്‍ ഇതൊന്നും നാഗാര്‍ജു ശ്രദ്ധിക്കുണ്ടായിരുന്നില്ല. തൊട്ടുപുറകിലുണ്ടായിരുന്ന ധനുഷ് ഇതെല്ലാം കണ്ട് ആരാധകനെ തിരിഞ്ഞു നോക്കുന്നതും വിഡിയോയില്‍ കാണാം. വിഡിയോ വൈറലായതിനു പിന്നാലെ താരത്തിനെതിരെ രൂക്ഷ വിമര്‍ശനം ഉയര്‍ന്നിരുന്നു.