തിരുനൽവേലി: മാരി സെൽവരാജിന്റെ പരിയേറും പെരുമാളിൽ കറുപ്പി എന്ന കഥാപാത്രം ചെയ്ത് ശ്രദ്ധേയയായ നായയ്ക്ക് ദാരുണാന്ത്യം. ദീപാവലി ആഘോഷങ്ങളുടെ ഭാഗമായി പടക്കം പൊട്ടിച്ചതിന്റെ ശബ്ദം കേട്ട് വിരണ്ടോടിയ നായയെ വാഹനം ഇടിക്കുകയായിരുന്നു. ചിത്രത്തിലെ ഒരു കഥാപാത്രത്തെ അവതരിപ്പിച്ച വിജയമുത്തുവിന്‍റെ വളര്‍ത്തുനായയായിരുന്നു.

മകനെ പാടിയുറക്കി ​ഗോവിന്ദ് വസന്ത; മനോഹര വിഡിയോയുമായി രഞ്ജിനി അച്യുതൻ

2018ൽ മാരി സെൽവരാജ് സംവിധാനം ചെയ്ത ചിത്രമാണ് പരിയേറും പെരുമാൾ. ശക്തമായ രാഷ്ട്രീയം പറഞ്ഞ ചിത്രത്തിലെ ദളിത് പ്രതീകമായാണ് നായ എത്തിയത്. കറുപ്പിയുടെ കൊലപാതകത്തിൽ നിന്നാണ് ചിത്രം ദളിത് രാഷ്ട്രീയം പറഞ്ഞു തുടങ്ങുന്നത്. നായയുടേ വേർപാടിന് പിന്നാലെയുള്ള അടി കറുപ്പി എന്ന ​ഗാനവും ഏറെ ശ്രദ്ധനേടിയിരുന്നു.