'രാമനെയും ഹിന്ദു മിത്തോളജിയെയും വികലമാക്കി'; ആദിപുരുഷിനെതിരെ മുംബൈയിലും യുപിയിലും പ്രതിഷേധം ( വീഡിയോ)

ന്യൂഡല്‍ഹി: ആദി പുരുഷ് സിനിമക്കെതിരെ മുംബൈക്കു പുറമെ ഉത്തര്‍പ്രദേശിലും ഹിന്ദു സംഘടനകളുടെ പ്രതിഷേധം. ഹിന്ദു മിത്തോളജിയെയും ശ്രീരാമനെയും വികലമായി ചിത്രീകരിക്കുന്നു എന്നാരോപിച്ചാണ് പ്രതിഷേധം. ലഖ്‌നൗവിലും ആഗ്രയിലുമാണ് പ്രതിഷേധം അരങ്ങേറിയത്. 

ആഗ്രയില്‍ ഹിന്ദു യുവമഹാസഭ പ്രവര്‍ത്തകരാണ് പ്രതിഷേധവുമായി രംഗത്തെത്തിയത്. ലഖ്‌നൗവില്‍ പ്രതിഷേധവുമായെത്തിയ പ്രവര്‍ത്തകരെ ഹസ്രത് ഗഞ്ച് പൊലീസ് കസ്റ്റഡിയിലെടുത്തു. 

മുംബൈയിലെ നല്ലസോപര ക്യാപിറ്റല്‍ മാളിലെ ആദിപുരുഷ് സിനിമയുടെ പ്രദര്‍ശനം ഹിന്ദു സംഘടന പ്രവര്‍ത്തകര്‍ ഇന്നലെ രാത്രി തടഞ്ഞിരുന്നു. രാഷ്ട്രപഥം എന്ന സംഘടനയുടെ പ്രവര്‍ത്തകരാണ് തിയേറ്ററില്‍ കടന്ന് പ്രദര്‍ശനം നിര്‍ത്തിവെപ്പിച്ചത്. 

ഈ വാർത്ത കൂടി വായിക്കൂ 

'സീത ഭാരതത്തിന്റെ മകൾ', ആദിപുരുഷ് ഡയലോ​ഗ് വിവാദത്തിൽ; ഇന്ത്യൻ സിനിമകൾക്ക് നിരോധനവുമായി നേപ്പാൾ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ