2022ലെ ആദ്യ മലയാളം റിലീസ് 'രണ്ട്'; വെള്ളിയാഴ്ച തിയറ്ററുകളിൽ 

2022ലെ ആദ്യ മലയാള സിനിമ റിലീസാകാൻ ഒരുങ്ങി 'രണ്ട്'. സുജിത് ലാൽ സംവിധാനം ചെയുന്ന ചിത്രം ഈ വെള്ളിയാഴ്ച തിയറ്ററുകളിൽ എത്തും. വിഷ്ണു ഉണ്ണികൃഷ്ണനും അന്ന രേഷ്മ രാജനുമാണ് കേന്ദ്രകഥാപാത്രങ്ങളെ അവതരിപ്പിക്കുന്നത്. ഹെവൻലി മൂവീസിന്റെ ബാനറിൽ പ്രജീവ് സത്യവ്രതൻ ആണ് ചിത്രം നിർമ്മിച്ചിരിക്കുന്നത്. 

സമകാലീന രാഷ്ട്രീയം ചർച്ചചെയ്യുന്ന ചിത്രം പൊളിറ്റിക്കൽ സറ്റയർ വിഭാ​ഗത്തിൽപ്പെടുന്നതാണ്. നാട്ടിൻപുറത്തുകാരനായ വാവ എന്ന ചെറുപ്പക്കാരന്റെ ജീവിതത്തിലൂടെയുള്ളൊരു സഞ്ചാരമാണ് സിനിമ. ഇർഷാദ്, കലാഭവൻ റഹ്മാൻ, സുധി കോപ്പ, ബാലാജി ശർമ്മ, ഗോകുലൻ, ജയശങ്കർ, കോബ്ര രാജേഷ്, ശ്രീലക്ഷ്മി, മാല പാർവതി, മറീന മൈക്കിൾ, പ്രീതി തുടങ്ങിയവരും ചിത്രത്തിൽ അഭിനയിച്ചിട്ടുണ്ട്.