കിങ് ഖാന് 57ാം പിറന്നാൾ; ത്രസിപ്പിച്ച് പത്താൻ ടീസർ, ആവേശത്തിൽ ആരാധകർ

ചെറിയ ഇടവേളയ്ക്കു ശേഷം വീണ്ടും സിനിമയിൽ സജീവമാകാനുള്ള തയാറെടുപ്പിലാണ് ഷാരുഖ് ഖാൻ. പത്താനിലൂടെ വമ്പൻ തിരിച്ചുവരവിനാണ് താരം ഒരുങ്ങുന്നത്. ഇപ്പോൾ ആരാധകരെ ആവേശത്തിലാക്കിക്കൊണ്ട് പത്താൻ ടീസർ പുറത്തെത്തിയിരിക്കുകയാണ്. സൂപ്പർതാരത്തിന്റെ പിറന്നാൾ ദിനത്തിലാണ് ടീസർ എത്തിയത്. 

പത്താൻ എന്ന കഥാപാത്രമായാണ് താരം ചിത്രത്തിൽ എത്തുന്നത്. കിടിലൻ ആക്ഷൻ രം​ഗങ്ങളോടെയാണ് ടീസർ. ദീപിക പദുക്കോൺ നായികയാവുന്ന ചിത്രത്തിൽ ജോൺ എബ്രഹാമാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ഷാരുഖ് ഖാന്റെയും ജോൺ എബ്രഹമിന്റേയും ​ഗംഭീര ഫൈറ്റ് സീൻസും ടീസറിലുണ്ട്. സീറ്റ് ബെൽറ്റിട്ടോളൂ, കൊടുങ്കാറ്റ് വരുന്നുണ്ട് എന്ന ഷാരുഖിന്റെ മുന്നറിയിപ്പിലാണ് ടീസർ അവസാനിക്കുന്നത്. 

അടുത്ത വർഷം ജനുവരി 25നാണ് ചിത്രം തിയറ്ററിൽ എത്തുക. യഷ് രാജ് ഫിലിംസിന്റെ 50ാം ചിത്രം എന്ന പ്രത്യേകതയും പത്താനുണ്ട്. സിദ്ധാർത്ഥ് ആനന്ദാണ് ചിത്രം സംവിധാനം ചെയ്യുന്നത്. കിങ് ഖാനും ദീപികയും ഒന്നിക്കുന്ന നാലാമത്തെ ചിത്രമാണിത്. എന്നാൽ ജോൺ എബ്രഹാമുമായി ആദ്യമായാണ് ഷാരുഖ് ഒന്നിക്കുന്നത്. സീറോയുടെ പരാജയത്തിനു ശേഷം സിനിമയിൽ നിന്ന് ഇടവേളയെടുത്ത സൂപ്പർതാരം നാലു വർഷത്തിനുശേഷമാണ് തിരിച്ചെത്തുന്നത്. 

ഈ വാര്‍ത്ത കൂടി വായിക്കൂ 

'എനിക്ക് നന്മ കൂടുതലാണെന്ന ആക്ഷേപം ഇതോടെ മാറിക്കിട്ടും'; മുകുന്ദനുണ്ണിയെ കുറിച്ച് വിനീത് ശ്രീനിവാസൻ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കു ക്ലിക്ക് ചെയ്യൂ