ബോളിവുഡ് സംവിധായകന്‍ അനുരാഗ് കശ്യപിന്റെ മകള്‍ ആലിയ കശ്യപ് സോഷ്യല്‍ മീഡിയ സ്റ്റാറാണ്. അമേരിക്കയില്‍ പഠിക്കുന്ന താരപുത്രി ഇന്‍സ്റ്റഗ്രാമിലൂടെയും തന്റെ യൂട്യൂബിലൂടെയുമെല്ലാം തന്റെ വിശേഷങ്ങള്‍ പങ്കുവെക്കാറുണ്ട്. കാമുകന്‍ ഷാനെ ഗ്രിഗറിയേയും ആരാധകര്‍ക്കായി പരിചയപ്പെടുത്തിയിട്ടുണ്ട്. ഇപ്പോള്‍ ഇരുവരും ചേര്‍ന്നു നടത്തിയ പാസ് ദി ഫോണ്‍ ചലഞ്ചാണ് സോഷ്യല്‍ മീഡിയയില്‍ ശ്രദ്ധ നേടുന്നത്. പങ്കാളിയെക്കുറിച്ച് പരസ്പരം പറയുന്നതാണ് ഈ ചലഞ്ചിലൂടെ. വിഡിയോയിലൂടെ രസകരമായ വെളിപ്പെടുത്തല്‍ നടത്തിയിരിക്കുകയാണ് ഷാനെ. 

തന്റെ എന്റെ പട്ടിയേക്കാള്‍ ശ്രദ്ധ വേണ്ടത് ആലിയക്കാണെന്നാണ് ഷാനെ പറയുന്നത്. ഇത് കണ്ട് പ്രകോപിതയാവുന്ന ആലിയയേയും വിഡിയോയില്‍ കാണാം. ശനിയാഴ്ച രാത്രിയെ ആഘോഷമാക്കാന്‍ ചെസ് കളിക്കുന്ന ആളാണ് എന്നു പറഞ്ഞുകൊണ്ട് ആലിയയാണ് വിഡിയോ തുടങ്ങുന്നത്. രാത്രി 9 മണിക്ക് കൃത്യമായി കിടന്നുറങ്ങുന്നതുകൊണ്ട് തന്നെ മുത്തച്ഛാ എന്നാണ് ആലിയ വിളിക്കുന്നത് എന്നാണ് ഷാനെ പറയുന്നത്. കൂടാതെ 9 മണിക്കൂര്‍ നേരമാണ് ആലിയ സ്‌ക്രീന്‍ നോക്കിയിരിക്കുന്നതെന്നും കൂട്ടിച്ചേര്‍ത്തു. അതിന് പിന്നാലെയാണ് ആലിയക്ക് പട്ടിയേക്കാള്‍ ശ്രദ്ധ ആവശ്യമുണ്ടെന്ന് പറഞ്ഞത്. അതുകേട്ട് എന്തിനാണ് പറഞ്ഞത് എന്നായിരുന്നു ആലിയയുടെ ചോദ്യം. നിനക്ക് അറിയാമോ അത് സത്യമാണ് എന്നായിരുന്നു ഷാനെ നല്‍കിയ മറുപടി.